Abraham Mwanyekange

Omunashipundi welelo loshitukulwa shaHangwena Efraim Shipindo okwa ti okangudu kokukondjifa oulingilingi moshilongo nedina la shiivika nawa oAnti-Corruption Commission (ACC) oka uka kOhangwena moshivike tashi ya. 

“Etalelepo lo ACC kOhangwena ota li ka yandja omadeo shinasha noku shiiva kutya oulingilingi oshike. Ola kwatela mo yo okukala wa faula koilongo osho yo okuhalongifa efimbo loilonga mondjila,”Shipindo ta tumbula.

Shipindo okwa holola kutya oACC otai ka yandja elongo li nasha na nghene kuna okulwifa oulingilingi.“ACC ote ku tula moipandeko ngeenge owa futwa oimaliwa yeevili ino di longela. Ngaho oulingilingi wa longa,” Shipindo ta holola ngaho. Shipindo okwali o a hokola kutya , nghe a kufapo oshipundi naye okwali wo aningi omapekapekonokulivakela moipangelo a tale omayakulo oshiwana. Okwa ti okwa lombwelwa kutya ovanailonga ita ve ya vali va lata koilonga.

“ Shimwe sha hafifange osho sho kutya ovanailonga vamwe ova shiivifila nge kutya ovanailonga pamwe navo vamwe ova tameka okulonga oilonga yavo nondjungu ngaashi vena oku i longa, ta ti vati ina shifa nale,” Shipindo ta ti.

Nonande oinima ihapu oya uka kolutenda, Shipindo okwa ti natango onghee ngaho pena ovanailonga tava longo veli meengodi nota shi shunifa monima omayakulo oshiwana. 

Okwa ti vamwe ova pumbwa omahungomwenyo tashi monikila moilonga yavo.Konima eshi a tala momambo omatalelepo, okwa ti okwa mona kutya ovaleli iha va talele po oipangelo luhapu. 

Okwa pula oshikondo shouhaku mOhangwena opo shi tameke okutalela po oipangelo oikando ihapu.

-amwanyekange@nepc.com.na