Opolisi oya lopota aantu yatatu ya hulitha moshiponga shohauto mondjila onene yOmitara-Otjinene Etitano.
Sha ikolela kepeko lyopolisi, aantu mboka okwali yeli mokabesa hoka kali ka humbata aantu yeli 15, taya zi koWindhoek yuuka kOtjinene.
Ota ku hokololwakutya oshiponga osha holoka sho etayiyela limwe lyokonima lya topa, shoka sha ningitha omuhingi a kanitha okukondolola ohauto.
Ohauto ndyoka anuwa okwa li ya dhingolokako iikando itatu omnga inaayi kankama. Yaali anuwa okwali ya hulithile poshiponga opo tuu mpoka omanga omutitatu a ka hulithila koshipangelo.
Oonakasa oya tseyika onga Tjeripo Tjeripo, Vandjeka Kutuouvi; and Vezemboua Hiuii.
Ehangano lyina sha noondjila Road Authority (RA) oshiwike sha ziko olya pititha omushangwa tagu kunkilile aahingi yoondjila oonde ya hinge nuukeka.
RA okwa kunkilile ngaaka konima ya dhidhilike iiponga ya indjipala mehuulilo shiwike lyomasiku gefudhepo lyaanilonga osho wo oCassinga. Opolisi yaNamibia oyali ya lopota oomwenyo dhaantu yeli 10 ya hulithile moshiponga shoka sha ningile pokati kOtjiwarongo nOkahandja moka aantu yali ya pipo konima okabesa yali mu ko ka kwata omulilo sho kiidhenge mumwe nololi.
Natango mehuulilo shiwike moka omwa kanithile oomwenyo dhaantu yahetatu sho okambesa yali ya londa ka idhenge mumwe nololi mondjila yArandis.
Natango gumwe okwa hulitha moshiponga sha ningilwa pokati koUsakos naKaribib.
RA okwamagidha oshigwana shi hinge nuukeka okuyandaiiponga osho wo okuhupitha omwenyo dhaantupethimbo ndika lyomatango omanene.
Opolisi osho wo ehangano lyo- MVA Fund olya ningi esiku taya kumagidha oshigwana shi hinge nethimbo. “Ethimbo ndika Aanamibia ohaya kanitha oomwenyookupitila miiponga yiihauto, omolwokuhingilila,onkene ota tu kumagidha mu hinge nawa pethimbo ndika,” ya kumagidha ngaaka.
Oya kala wo nokukumagidha wo aahingi yasimaneke omandhindhiliko gomoondjila.
Ya ti, ngele taku hingwa nethimbo niiponga ihayi holoka. Opolisi okupitila miikundaneki ya yooloka
oya kumagidha natango aahingi yiihauto, ya hinge nuukeka osho wo okugwanitha po compangodhomoopate.
Ta yiti, uuna oshiponga sha holoka mondjila naya dhenge konomola yopolisi 10111 nenge MVA 9682.