Erongo momukunda gwaKhomas kuna siki kondungu-ndungu,omu vantu ndi vatungimo vana kuhundira asi nombunga edi adi vatere diwizemo divatere,yipo vanona vagwane erongo.Ruguwo oru kavarugeve paapa kava kere nosigongi omu mugavi magano kerongo momukunda gwina katanterere vakalipo asi ngapi omu una vatamba udigu ou.Epongo eli kalikarere morukanda rwaOtjomise.Age katente asi erongo momukunda ogu kuna kugwana yimaliwa yina siki pokatji konomiliyuna N$2,4 no N$2,6 eyi vagazarera asi ngano vagoworore nonkondwa rongero. Nampili ngomu asi erongo kuna kugwana eyereko lyoyimaliwa yoyinzi momvhura,kapi tuna kuvhura asi ngano nkenye murongwa agwane evango lyokulirongera.Eyi nkenye gumwe kuna kuyimona eyi ana kutanta Hananifa asi udigu wokwedi kwaMurongagona.MwaMurongagona awo kumona udigu mokutura asi nkenye murongwa agwane evango,ngesi kuna kumoneka asi vahepa kutungako nosure dimwe ndi vahepa kuronga ngura-ngura nongurova.Unene udigu ou kuna kara kononkondwarongero ngwendi kosekondere nokoprimere.Noyimaliwa eyi nomiliyuna N$2,4 kapi togazara asi kuvhura ovatere muhoko ogu ndi asi ogusepo udigu ou,yimo ana kutanta Hananifa.Mukunda ogu gwaKhomas kuna gutamba udigu womavango morwa sinzi sovanona kuna kugogomoka vayalirongere mositata. MwaMurongagona 2008,kuvhura yikare yina lifana ndi kuvhura yipitakanepo,nsene asi yimaliwa yoyinzi kapi navayihamesera komukunda gwaKhomas.Moomu tupu ayihoroka asi nkenye mvhura mavango kugaligogana,walye namvho kuvhura yikare yina pitakanapo,nsene asi kapi tuna kugwana yimaliwa yoyinzi.Ose tatukamona upyu nsene kapi tuna kutameka kupapara yimaliwa paapa ngesi.Nampili yeyi yokudimba ruvali kuvhura kukatuvhura morwa napa tuna kuuyunga ngesi kuna kunana noudigu.Kuna kara novanona wovanzi yimo ana kutanta Hananifa.Age kahundilire vantu valituremo mokupapara mbatero kwava vakara noyimaliwa yipo vatunge nonkondwa rongero dononzi.Age kwapura asi nsene kukara nokomitiye edi dina kara asi kuna lituramo kuvhura vagwane yimaliwa ano nsene vana yigwana awo kuvhura valikakunyune udigu ou.Nkarapamwe vahepa kuturapo magano vapapare yimaliwa,ano siruwo oso epangero alyo kuna kuturapo magano asi ngano ngapi navagendesa ndi asi nokomitiye odo ngapi nadirugana. Mukunda kapi guna kugazara asi nampo kuvhura vagwane yimaliwa yegwederereko yokuninkisa noprojeka.Yipo nye asi ose kuna kuhundira vahamenimo navenye merongo,vanangesefa,nombunga dopaumwene dilituremo yipo tukandurepo udigu ou tuna kara nawo.Nsene otara nonkondwa rongero edi twatunga nomvhura edi dina piti hawe tayikuretere nkenda.Meyereko lyoyimaliwa eli lyakere mo2005-2006 momukunda ogu kwatungiremo tupu nonkondwa rongero 70,ano ngesi nadinye dina zura.Simpe kuna kara asi nonkondwa rongero kuna dihepa nye yimaliwa kapi vana kuyigwana.Ano mvhura ezi ose kuna kara tupu nonomiliyna N$1,3 omu vana kugazara kutunga nonkondwa rongero 31.Mavango nye aga gagwana uwa melikwamo eli kuna kara rukanda rwaHavana,nosure zaGoreangab nezi zaEldo rado.Ano korukanda rwa Otjomise kapi pana kumoneka asi nampo nomugwana mpito zokugwedererako nonkondwarongero,momvhura ezi ntudi walye mukare erago asi projeka ezi vana kutumbura asi ETSIP,nampo nakukara kamaliwa kongandi. Meyereko lyomvhura 20078 Otjomise kuvhura kulitundirapo mwahana kugwana nampili nkondwarongero zimwe. Kugusako Otjomise, marukanda gana hepa nosure kuna kara Rocky Crest,Cimbebasia yimo ana kuyahageka ngoso Hananifa.