Omulumenhu weedula 22 okwa holoka momhangu koUsakos Omaandaxa konima eshi a kwatwa po shaashi a denga otuwa yopolifi nekende lobiila.

Oshiningwanima osha ningwa mexuliloshivike moodolopa Usakos popepi nondingosho.

Okwa pewa omhito yokulifutila mo modolongo noshimaliwa oN$1 000. Ekende oli li pongushu yoshimaliwa oN$1 500. Omupopiliko wopolifi moshitukulwa shErongo Senior Inspector Judith Shomongula okwa koleka oshiningwanima eshi. Opolifi oya hokolola tai ti omufekelwa okwa li ve li mopate tava nu omalodu nakaume kaye. Okwa lombwelwa kopolifi opo a dje mo mopate ashike ka li a hala okupwilikina kovanambelewa eshi tave mu lombwele. Otaku hokololwa kutya opo omumenhu ou okwa tameka okutanguna nopolifi ndele tava kufa ekende lobiila ndele ta kula omupolifi.

Ekende vati ole ke li denga mekende lotuwa nokutauka.

Opolifi oya hokolola kutya omulumenhu ou okwa a kolwa shaashi okwa dja pondingosho.

Oshiwana osha kumaidwa opo shi xulife po okukondja nopolifi shaashi osha puka osho yo okukala sha fimaneka omilandu dopolifi.

Oshiningwanima shikwao, omulumenhu weedula 33 okwa holoka momhangu yaShakati onghela konima eshi kwa li a kwatwa po eshi vati a kufa odopi ndele ta denge nokutatula omakende londingosho yedina Wizzy Man i li mOngwediva.

Oshiningwanima osha ningwa Olomakaya efimbo lomutenya pondingosho.

-fhamalwa@nepc.com.na