Taimi Haihambo 

EENHANAs – ǁKhâgu khao!gâ, ǁnāti ī !norasao!nâ ǁkhāǁkhāsens mâsigan ge !kharu!nâs ai!ân ge Eenhana ǂAm skoli di 18 ǁkhāǁkhāsenaona nēsi ǁîn ǂhâsigu ai ra dīǀoaǀoa tin a mî ǁkhā ǁkhāǁkhā!nā-omsa go hō. Aibesan, ge nē ǁkhāǁkhāsenaona ǁkhowa-amsa tentsa ǁgau!nâsa gere !khō!oa. ǁNāpan gere ǀnanub, !khaib tsî ǀgaisa ǀgammi tsîna !kharu!nâse. Egab ge skoldanaba kaise a ǂō xūn ra sâu!nâhe !nā-omro-i !nâ a ǂgā nis kōse, nausab ge nē !khaiba ǂâuǀoa hâ ǁgau!nâs tsî ǁkhāǁkhāsens !aroma kaise ǂkhariro i xawe. 

ǁÎn di !gaesens tsî ǂhansens ge Eenhanas di !ā!khōmai-aob, Omri-Onn Kavandjeb, ai!â ge nē skoli di gau!nâ-ao-ib di ǂâisa ge !khō, ǁnāpab ge ǁîbaKarl-Heinz & Manuela Feichtinger ǂNûiǂgās tsî Lions Club hâna xu marisihuiba a !khō!oase. ǀHao hâsen ge ǁîna N$805 000sa ǀhaoǀhao tsî nē khākhāsenaon ǂhâsiga ra oe-am ǀō-aisa ǁkhāǁkhā!âba ge ǂnuwi. 

Haindongo Tulinas, ǁkhāǁkhāsens !nubusina ūhâ ǁkhākhāsenaona ra ǁgau!nâs ge ge mî, nē skoli tsoatsoasa xu !nubusina ūhâ ǀgôan !aroma proxram-e ūhâ tama ge hâ i !khaisa. Nausan ge 2021ǁî kuriba xu ǂguro 1gôagu di ǀgana a xoaǂgātsoatsoa, aiǁgause down syndrome tsî autism ǀgôana. 

“ Xrat ǀguis ǂganamsende da ge !khō!oa ǁaeb ai da ge mân !nubusina ūhâsa ge mî ǁoa i, xawe da ge ǁgau!nâs ǀkha a ǁnāǂgā, soab ai da ge ge mû, ǂauna ǁkhāǁkhāsenaon hâna !nubusina ūhâsa tsî da ge nau ǁkhāǁkhāsenaona xu ǁîna ge ǀona, ǁîna ǂâisa ǁîn ǂhâsigu !oagu mās ase, tis ge gere ǁgui!ā. 

Haindongos ge ǁgoaǂuidi ka hâ xawes nē ǁkhāǁkhāsenaona ǁgau!nâ-aosa kai ǂan-tsî-hō!âs mādawa-amsa îsa ūba hâsa. Nausas, ǂam ǂam !harib !nâ ǀgui a ǁkhāǁkhāǂuisa, xawe ra ge ǁîs tsî gurisa ǁgau!nâ-aos hâra hoaǁae hoana !khōǂgā hâ ǁgau!nâs ǂnamipe sîsenǁareǁkhāǁkhāsendi tsî ǁkhāǁkhākhâide ra ǁhao!nâ, ǁîra ǂans, ǁkhāsigu tsî ǀgauga ǀaro!nâs ase, nē ǁkhāǁkhāsenaona ǀoasase ǁnâu!ā tsî ǂgaoǀkāsa !harib ai hâ ǁgau!nâsa mās ase. 

Letisia Hambiyas, ǁîs tsîn nē ǁkhāǁkhāsenaona ra ǁgau!nâs ge ge mî, ǁgoaǂuidi hâ, !gōsasen ǀnî ǁkhāǁkhāsenaona ǁgaixasa tanisengauga ūhâ tsî !nāsa ǁaeba ǁnaetisa !gubidi !nâ !amǂgāsa ra mâ!oa, xawen ge ǁkhān ana ra dītsâ mâ ǀgôa-i hoa-i tsî ǂhâsiga sī!nâsa.