ǀOrodoman ge 108 omaridi khoen hîa khoen omdi !nanigu ai gere ǁgoen tamas ka i o ǀkhuwis ai ge ǁan hâ ina nēs !gâ ge !gâi!gâ. ǂOa ge wekheb Fraitaxs ain ge ǁîna Kai!ā tsî !Garo!ā Omkhâisens Ministeri, Erastus Uutonib xa nē omdi ǀhonkhoesisa gere ǁkhaeǁnâhe.
Kaise a ǀgaisa !khaib mâsib Namibiab !khawagas !nâb ge go !aroma ǂgari-aon hîa ǁKharas ǀkharib !nâ ǂnôa ǀAus !garo!ās ǂnamipe ǁan hân go ǁaupexa 150 gūn tsî pirina a ǂoa!nâsa.
ǀAeǁgams ǁanǂgāsabeb hîa N$74 000 surudeb ǀkha omsa ge ǀumib ge ǁîb di ǂganamsens hîab ǁnâu!gâ!khaib ǁga ge dīs, îs ǀAeǁgams !Ā!khōmaisa ǁgarihe tsî nē marisa xoaǁnâba bi tsî naun hîa surudegu !nâ hân tsîn hoana !khōǂgā hâses !nâ !gâi!gâ tama ge i.
ǂUrusib ministeri, Dr Kalumbi Shangulab ge ge mî, sada !hūb ǀgaisa ǁgoaǂuide ūhâsa, ǂhanusise mā-amsa tama soǀôan tsî ǀhubuǀhubusenxūn tsî nauhân supuse ra hōsen amaga.
Dana Inspekters, Christina Dunem DaFonsechs ge ge mî, 27 khoen ge ǂoa ge kurib !nbâ aitsama a !gamsensa, ǁnāpan ge !gaidīb ǀkha a ǂgā-amhes khao!gâ.
Nausan ǂgui!nâgu xūn tsî khaohâdi hîa Covid-19 xa ge !aromahedi tsî !onkhaohâ marisihuib hâna ai!gûsa ra tsâǀkhā, xawes ge Daogu ǂGaeǂuisa (RA) ge dīhō, Kaiǁkhaes-ǀǀAeǁgams daobas ǂnûiǂuisa N3 biljuns !nâ nî !khōǀgarasa.
Asase ra sîsenxasigu di !ereamsa mâǀoa direktern Namibiab !Hū-omkhâis tsî !Hanaǂgās ǀAwemā!nans (NAB) din ge ge ǂganhe, in kō!gâ !gao!gao ǂûn di ǂganǀgaugu di ǀgapi ǂharoǀgauga tsî ǁnās ǀkha gere hōhō!nâhe, ǂûn hoan xa a sī!nâhe ǁkhā ǂganǀgaugu !nâ nî hâsa.
Nausan 98% HIV positif kaikhoena ǁnā ǀkharib dina nē aeba khoraǂuisa ra ǁgâi!gam, xaweb ge !gôab khoen hîa HIV soǀôan tsî kō!gâs !naka hân diba 21 053 ai Oshana ǀkharib ai mâ.
Nē kurib !aroma ge Ohangwena ǀkharib !nâ a xoaǂgāhe skolǀgôan di !gôab ge 3.3%gu ǀkha ge ǀarosen.
!Hūb di ǁÛb Hage Geingob ge ǂhanub sîsenaona ra ǂgan, in ǁaeb ai tsî ǂgaoǀkhāsa !harib ai hâ !oabade ǁanǂgāsabena mā tsî nēs !nâ-ū ǂâuǀoahâ ǂgaeǂguisa !khōǀgara.