Asase ra sîsenxasigu di !ereamsa mâǀoa direktern Namibiab !Hū-omkhâis tsî !Hanaǂgās ǀAwemā!nans (NAB) din ge ge ǂganhe, in kō!gâ !gao!gao ǂûn di ǂganǀgaugu di ǀgapi ǂharoǀgauga tsî ǁnās ǀkha gere hōhō!nâhe, ǂûn hoan xa a sī!nâhe ǁkhā ǂganǀgaugu !nâ nî hâsa.
Nausan 98% HIV positif kaikhoena ǁnā ǀkharib dina nē aeba khoraǂuisa ra ǁgâi!gam, xaweb ge !gôab khoen hîa HIV soǀôan tsî kō!gâs !naka hân diba 21 053 ai Oshana ǀkharib ai mâ.
Nē kurib !aroma ge Ohangwena ǀkharib !nâ a xoaǂgāhe skolǀgôan di !gôab ge 3.3%gu ǀkha ge ǀarosen.
!Hūb di ǁÛb Hage Geingob ge ǂhanub sîsenaona ra ǂgan, in ǁaeb ai tsî ǂgaoǀkhāsa !harib ai hâ !oabade ǁanǂgāsabena mā tsî nēs !nâ-ū ǂâuǀoahâ ǂgaeǂguisa !khōǀgara.
Namibiab Omkhâisens Marisâuǂgaes (DBN) di Dana Sîsenǂuira Mâisab (CEO), Martin Inkumbib ge ge mî, ǂgui !kharaga!nâgu !ēdi Namibiaǁîn !aroma !kharaga !âgu !nâ hâsa, !gōsase ǂkhamkhoesib !aroma.
ǁKhaubas ministeri, Frans Kapofib hîa Kabinetsa xu ǁaegub ǂhanuba nî ǂnûǁkhaebas, ǁnā 16 ǁanin Shishugho ǀaokhoen din di ǁkhōsa, Kayova !garo!ās ai nî ǁhao!nâseb ge ge mî, nē !oa!oaxa !nae!khais hîa nē omarisa ǁōb di !khaenab !nâ-ū ge !kharu kais ga ǁkhaehe hâsa, hânab ga ǀkharisi ǂhanuba ǁîb sîsenna dīǀoaǀoa hâ o.
ǁAnǂgāsaben tsî ǂharugu!khain tsîn ge Kamanjab di ǀawemā!nansa N$13 miljun marisa māhe ra !oabadi !aroma surude hâ. Nē maris ge Kamanjab ge !garo!ā !ā!khōmais !harosa a māhesa xu !goaxa.
ǀAeǁgams di !Ā!khōmais ge 2018ǁî kurib !nâ a ū mîǁguib, îs mariǂharugub !nâ !nāsase ge khoen xa gere sīhe !Gâi!gâisen !Hanab, ǁnaetisase Paaltjies ti ǀgui ge ǂansa iba dawa!khuni ti ge hâ is, ge !ā!khōmaisa aitsama ǂnais !nâ ǂnoasens khami ge hā, ǀAeǁgams ǁanǂgāsaben nē !khaiba ǁaupexa sîsenū tama tamas ka i o kaise ǀoro !gôab !nâ ǀgui tsîb nēsisa sîsenūhe tamase ǁgoes ǀguisa īse.
ǁKhāǁkhāsens !nâ ai!gûsa ra ǂhani mâsiga !khō!nom!noms aseb ge Zambezi ǁgau!nâs ǀkhariba N$17.6 miljunsa ǂnûiǂui hâ, 36 ǁkhāǁkhā!nā-omdi tsî haka ǂkhari-om!âgu tsîna nî ǂnuwise.
!Hao!nāsi ǂGaeǂguidi ǀAwemā!nans di aiǂnû-aob, Immanuel ǀGâseb ge khoese xa a !nāsa ǀasa !hao!nāsi ǂganamsende ǂan!gâs tsî !khō!gâs !aroma !Hūb di ǁÛb Hage Geingoba ge ǁkhaeǁnâ. ǀ