Epangelo laNamibia okudilila mopoloyeka ipe yedina Atlantic Salmon ola tengeneka li ka yandje oilonga kOvanamibia ve li 5 000, ovo ve li momaumbo vehe na eshi tava ningi. 

Omupeduminista wounamapya Ruthy Masake oo a li peyeululo lopoloyeka okwa ti opoloyeka otai ke lipyakidila unene nounafaalama weeshi, omo ava tava ka kutwa, opo va kale ve lipyakidila nokutekula eeshi momafuta aNamibia. 

Opoloyeka otai ka yandja oilonga unene kwaava ve li komafuta, ashike itashi ti oya patela Ovanamibia vakwao pondje. 

“Otwa hala okuyambula po eliko loshilongo unene okudilila meedjo domefuta, olo la kala tali shongola oule wefimbo,” ta ti. 

Okwa ti opoloyeka otai ka dana onghandangala yakula moshilongo, shaashi ova hala okutekula eeshi dihapu, odo tadi kala tadi landifwa moshilongo osho yo kondje yoshilongo, omo mwa kwatelwa omafuta aeshe moshilongo. 

“Mokutekula eeshi omo ashike mokulandifa eeshi dihapu, ko oko keemhito doilonga dihapu osho yo eyambulepo leliko moshilongo,” ta ti. 

Opoloyeka otai ka kala yo ya filwa oshisho nawa, opo iha piyaaneke onghalo yomhepo osho yo eedjo domefuta. 

-taimihaihambo2000@gmail.com