Munamberewa kurona godoropa zaBukalo ana parapo kugava mberewa, nampili moomu asi ezuva lyendi lyokukara asi age murugani gondango zodoropa zina kayhege kwedi kakupwire.
Limbo elizuvho lyendi lyokukara mosirugana kalihege momazuva 31 Kudumonkuru ntani ndango kapi kazigwederereko nampili nakauke. Mokukwama munasipundi gondango zina, Candy Namatama kayinkondopekere asi ndango kapi kava gwedereko mazuva nkenye mokutanta asi Limbo kuvhura atwikire noyirugana yendi.
Age yipo katente asi Limbo ananyoka kugavako nonsapo domberewa ezi ngaruganene, nampili ngomu asi age kavamupere mbapira zina kutanta asi kapi ana kukatwikira hena noyirugana yendi, age kwagwene mbapira ezi mwa Murongankuru.
Mbapira ezi vageve kwaLimbo, Namatama katjengemo asi mokukwama veta ntokorwa zo 27(b) (i)zondango zonodoropa vawapukurura mokukwama ndango, etiokoro kwaligusire mosiruwo sosigongi sawo bsopangenderera sakereko mo 27 Murongankuru 2020, omu vatokwere asi kapi vana kukagwedererako mazuva nkenye kelizuvho lyawo naLimbo. Namatama kante asi awo kuna kundindira vagwane egano lina kutunda kwava ava gava magano kukwama veta vakara mepangero asi kutunda apa kurugana ngapi.
Apa nye kava mupulireko age Limbo, katente asi vakansela kapi vamupa rumwe mbapira asi atunde momberewa, nokutanta asi simpe nampo taziwiza. Ame ngesi kapi nina kara momberewa. Ame kuna wiza tupu oku niyavhukisa yimbapira yange, morwa kuna kuliwapayikira nigavemo yimbapira yange kumwe nokutameka yirugana yoyipe.
Ntani ame kapi vanatanterenge asi kweli ogu vana turamo mevango lyange ndi nampo awo kuna kundinidra ogu nazi tuna ministeli yipo niyamupe sirugana esi, yimo ana kukumbururako ngoso Limbo.
Eyi nadiva asi Ministera kapi kakatambwire etokoro lyondango asi vahegeke kurugana name, age kuna kundindira mbapira zitunde koministeli ziwize kwendi. Ame kuna kundindira tupu mbapira ozo apa nanizigwana tanizitumu koge.
Eyi nina huguvara asi navazituma nokovakansela kooku. Morwa moku[ira nye kumugwedererako mazuva age kwatwara ndango kompanguro zovarugani, omu kazitwara asi vakatarepo elizuvho lyendi eli. Ano ezuva vana tura lyokukamupurakene kuna kara 1-3 Sitarara modoropa zaKatima Mulilo. Mombapira nye ezi katumwene ose wosayitunga zaNew Era, asi vatjangera kondango zaBukalo, komunasipumndi, Chris Maymbelo novahahende vendi awo kuba kuhundira asi muntu gwawo Limbo vamuture moyirugana yahana kutanta asi yomosiruwo kutunda apa nayihaga mwa Kudumogona 2020 omu navamupa hena dogoro mwa Kudumogona 2025.
Yitundwamo yosigondi seni somo 17 Murongankuru 2020, omu muna kara asi yimo mwatulire etokoro eli, kapi mwatokwere nawa omu mwapilire kukwama veta, veta zina kara mosintokorwa 15(1) kukwama veta zonodoropa veta zomo 1992, (Veta zonomora 23 zomo 1992) kukwama omu vaziwapukurura.
Kansela kwahagekesere Limbo momazuva 7 DSikukutu 2016 omu vana pere mfuto zendi nazinye konyima yipo nye vamutjidire mo 17 Siwogedi 2017. Limbo yipo nye gatuliremo ehundiro kumwe nondango omu gamwene asi nonkambadaro nadinye kapi dina kurugana nondango zovakansela pontambo zomukunda dogoro mwa Pembagona, 14, 2019 yipo nye vayamanesere udigu ou. Limbo gafundire siruwo oso, makura tavamutegwidire moyirugana yendi kutameka nye mwaSikukutu, 1, 2019.
Siruwo oso, age kuna hupuko tupu makwedi ntantatu omu yina kumoneka asi aka hageke sirugana sendi mwa Murongankuru 31mvhura ezi morwa kwayatameka mwa Pembagona 1, 2015. Vahahende vende kuna kutanta asi vakansela yiwo woowo vana hara asi Limbo elizuvho lyendi lyokukara asi murugani vahaligwederera hena nampili nakauke.
–anakale@nepc. Com.na