Home / Olaata yOpashigwana Ya Ekelahi Olopota yUumbwanda Olaata yOpashigwana Ya Ekelahi Olopota yUumbwanda
"WINDHOEK OLOPOTA ndjoka ya kala ya tegelelwa ethimbo ele yi nasha niihuna hayi ningilwa oom-bwanda, aanona yomoma-pandaanda oshowo aantu mboka ya pumbwa ekwatho moshigwana, metitatu oya ekelwahi kOlaata yOpa-shigwana (National Council) kutya otayi pukitha noya puguma mondjila. Olopota ndjoka oya shu-nithwa ishewe kOkakomitiye kOlaata yOpashigwana ke nasha nUukakwashike-ko-kantu, Aagundjuka nOmauye-lele. Mokutinda olopota yoka-komitiye, oshilyo shOngundu yoSwapo, John Hakaye okwa lombwele Olaata yOpa-shigwana kutya enenedhi-ladhilo noshinakugwanithwa yomushangwahokololo oya kuthwa melalakano lyayo lyotango nokupukithwa koka-komitiye komakonakono. ""Pauvoko lyandje, oshimpwiyu shoka sha pewa okakomitiye andola okuninga omakonakono ge nasha nomiyonena, omahepeko nomadhipago ga nyanyalitha taga ningilwa aakiintu naanona, ihe kashishi iihuna yoombwanda (aakiintu mboka haya landitha omalutu gawo). Molopota ndjika inamu tumbulwa nando sha shi nasha niiyetithi yomahepeko no-madhipago ngoka. Oka-komitiye aniwa oka puguma mondjila owina opo ka kanithe oshishonekwa,"" Hakaye ta ti. Pamadhiladhilo ge (Hakaye), omushangwa-hokololo otagu kumike ombepo yuumbwanda peha lyokukonga omikalo dho-kushunitha pevi nokuvudha mo uumbwanda moshigwa-na. ""Nomushangwahokololo nguka tagu gamene uumbwan-da, otwa fa tatu kongo ooli-sinisa dhokuthembapaleka paveta iilonga yuumbwanda, nopamukalo nguka otatu hingile aantu yetu meso lyawo. Otu na okushunitha pevi iilonga yuumbwanda, ihe hakupendula po oonkalo dhika dhi vule okwiindjipala,"" osho Hakaye a popi nongeyo. Oshimpungu shelanditho lyomalutu otashi koko noonkondo moNamibia omol-wonkalo yokwaaniilonga, nonkalo otayi nayipalekwa unene kethigopo lyosikola li li pombanda. Iinima mbika iyali oyo yimwe yomiiyetithi 14 mbyoka ya tothwa mo tayi etitha eindjipalo lyuum-bandwa, pauyelele womu-shangwahokololo ngoka gwa tseyithwa komunashipundi gokakomitiye hoka, Sebastian Karupu. Okakomitiye oka ningile omakonakono gako muule woomwedhi dha piti, pamu-kalo gokuninga omapulapulo moshigwana nokutala kiiyet-wapo yopamishangwa okuza komahangano kaa ge shi gepangelo, omahangano go-moshigwana, oongundu dhoongeleki, aantu koohan-dimwe, oshowo oongundu dhilwe dhi na mo ontumbu. Omakonakono ngoka oga ningwa mOvenduka, Keet-manshoop, Oshikango, po-muyelo gokoongamba po-Noordoewer, Karasburg noshigwana shi li poAusen-kehr. ""Nonando onkalo yuum-bwanda oya nika oshiponga nokutula omwenyo mekano, uunangeshefa mbuka otau indjipala nou li unene mokati koombwanda dhomoshilongo oshowo dhiilongo yilwe, unene okuza miishiindalongo yoSADC. Ope na aakiintu yamwe oshowo omashenge ngoka ge hole eithano ndika. Aantu oyendji oye tonde uumbwanda nenge ombwan-da, ihe ngele kape na we oom-pito dhimwe, mboka ya popi nokakomitiye taya ti, nena uumbwanda otau tsikile ashike,"" osho Karupu a tse-yithile Olaata yOpashigwa- na. Ta tsikile: ""Omahangano ogendji, oongundu naantu koohandimwe oye shi holola kokomitiye kutya uumbwanda eithano lya kala mo nale/ekulu, nokape na oveta yontumba ye shi pondolele oku wu sitopa. Uumbwanda ohau longithwa muuyuni auhe, nowa talika ko oshitopolwa shemona, ompito yiilonga oshowo okwiikon-gela iiyemo. ""Kakele, eithano ndika olyo oshimpungu sha nika oshiponga noonkondo."" Olaata yOpashigwana oya gandjele oshinakugwanithwa okuninga omakonakono oku-tala koshinima yoombwanda pandondo yotango. ""Aakadhona mboka ya thiga po oosikola moondondo onti-10 no12, oshowo aakiintu yamwe ohaya yi montaneho pomatulilo gomaloli nete-gameno okumona po ookasi-toma/aalumentu. Aakiintu yamwe ohaya lalelwa moombashu dhawo, odho ya ninga omahala giihulo, unene pOshikango. Poompito od-hindji, aakadhona aashona yomimvo dhi li kohi 16 osho-wo aakuluntu yomimvo 50 ohaya monika momapan-daanda mOvenduka, Ombaye noSwakopmund, oshowo omahala gokoongamba,"" Karupu ta ti. Omushangwahokololo otagu ti aakiintu mbaka ohaya longo uusiku, ye li poom-pagiindjila, tayi iyulike, taya igidha nokuulika omainyengo ga nika omilalo/iihulo. Ngaa-shi okuulika omagundji ge li kombanda oshowo iilyo yilwe yomalutu gawo. ""Ookasitoma dhuum-bwanda womomapandaanda odha kwatela mo aalumentu yomaithano agehe, okuza aazayizayi, aahingi yootekisa nomaloli, oshowo aayambantu taya hingi iihauto yondilo. Omatilitho, omadhengo, oma-yugo, omahepeko gopaihulo, elongitho lyiingangamithi niikolitha oyo yimwe yomaupyakadhi niiponga ya taalela eithano ndika lyuum-bwanda,"" osho Karupu ta ti. ""Kape na oveta ndjoka tayi wilike elanditho lyomalutu, onkee ope na omwaka gopa-veta shi nasha nomukundu goombwanda, oshinima shoka sha pumbwa okuungaukiwa nasho meendelelo. Kombinga onkwawo oshigwana shaNa-mibia osha tala ko uumbwan-da ongiilonga yomilema mbyoka yi li ompinge noo-hedhi neihumbatonawa lyoshigwana,"" Karupu ta yelitha, ta mwena po kashona sho pwa etwa edhiladhilo uumbwanda wu tulwe paveta moshilongo."
Your experience on this site will be improved by allowing cookies.
