Nuusita Ashipala
Omhedi-Hompa govakwanyama Martha Mwadinomho yaKristian Nelumbu kageve uhwi kwandokotora gadivikwa gomeho ndokotora Helena Ndume.
Uhwi ou kuna ligwederere komahwi aga gagwana nare ndokotora ogu, gana kara asi gomonda zosirongo ndi ponze zosirongo omu vamudiva navenye asi gumwe ogu gakara asi kuhakura meho ndi nsene kumona siwiwili age kuvhura kukuhakura dogoro tomono apa tuna kuuyunga ngesi kwahakura vantu wokusika ko 35 000 vaNamibia sirongo nasinye.
Ndume ogu varundumuna asi ndokotora gokusitunukisa kagwene uhwi wendi kwaHompa govakwanyama momukunda Omhedi ndi asi mombara.
Nzapo kuna kara ezi kavamupere yipo vamudiworoke mosirugana sendi ezi galituramo nomu ana kuza komeho. Ogu kakere gahana asi kuna hafa, kumwe nokutanta asi uhwi ou kapisi wange nyamelike. Uhwi ou vana kupange kuna kara weni mukare asi vasingi womahauto ndi vavamwaperenge yiruganeso nava mwakere tomupe vakwetu owo nondja nyone nye vamwe muna kara nayina asi uhwi ou weni.
Ndume simpe kapandwire vandokotora ava vatundire ponze sirongo vayalihamesere melikwamo eli. Owo vantu vakara noyirugana yoyinz, nye valizamberere vapate yipangero yawo, omu ava ruganene, valifutire vene konodira, nokureta yiruganeso yawo nokupitura nomutji davene tuyaruganeseko elikwamo eli. Yimo ana kutanta Ndume. Mvhura ezi elikwamo lyawo kuna tameke mosipangero saEngela. Nampili ngomu asi age kuna kumukanganga hawe nage kuna kupandura vantu owo vamupere mpito ozo asi akalironge siruwo oso age ponze zosirongo.
Hompa Nelumbu, mosiuyungwa sendi kamuresereremo Priskila Kandume, katente asi uhwi ou wokupandura Ndume.
“ Ame nina hara kukupa uhwi ou, una kara asi silikidiso omu tuna kupandura kwanayinye eyi warugana neyi ono kurugana ngesi. Yimo ana kutanta Hompa.
Gumwe govandokotora ogu gakara asi nage gumwe awiza apa avakara nelikwamo eli, katente asi uhwi vaNdume, kwakuninkisa negano lyendi asi vantu vahepa kurugana kumwe nositambo nasinye.
Age kuna kara ndokotora Michael Colvard, ogu gakara asi kwatameka kuwiza koNamibia mo 1997, vayarugane kumwe naNdume elikwamo eli lyokuninka meho gomuntu gana kupira kumona gamone.
Dogoro ngesi kuna kara nye novantu 100 vanakuruganena sirugana sooso. Colvard katente asi nampili ngomu vana kudiworoka eyi yapita, awo kuna kara asi vantu wokusika ko35 000 ngesi kuna kumona ndi asi vagwana uhaku.
Awo navatwikira sirugana sangesi dogoro sinzi sovantu ngavamone ava vakara asi kwatwika oso yiso simwe sina kara situmbukira sawo.