Mueteleli wakatengo ka Affirmative Repositioning (AR) Job Amupanda ukwaluzi muzeko mwa Khuta Yepahami ili mwazekisa muuso, kalitaelo zakuli lukwakwa lwabapendi balimunanu, ili lolu zibahala kamubamba omufubelu luzwisiwe.
Muyemeli wasilalanda sa Katima Mulilo yatolopo John Mukaya utimezi, kasamulaho nabile mwakozi yafamukwakwa Labulalu kanako yebato eza 19h15.
Baetapili mwanaha balumezi manzwi abona akulakaleza makete amande kumueteleli wanaha Hage Geingob ni musali wapili Monica Geingos, kasamulaho akuswalelwa kakokwani ka Covid-19 Labulalu manzibuana.
Mueteleli wakopano ya PDM McHenry Venaani ukupile hape bamulao kulukulula muuna walilimo zemashumi asilezi kazeketalizoho Geoffrey Mwilima, yana lengilwe mwatolongo kamulatu wabukwenu kamabaka amakulano.
Likalibe bamashumi amabeli kailiñwi nebafilwe misebezi mwasikiliti sa Zambezi kikatengo ka Project Hope wakubeleka mwahala sicaba.
Sicaba sa Kasika mwasilalanda satuto sa Ngoma mwasikiliti sa Zambezi sihanile muzamaisi wasikolo yana ketilwe kuetelela sikolo sefumaneha mwasilao. Baakaleza kuli keto neli “yemaswe ni yefosahezi”.
Muzamaisi wakatengo katolopo ya Katima Mulilo Raphael Liswaniso ubulela kuli membala wakatengo kakayemela sicaba ka Affirmative Repositioning (AR), ili yakulubelwa kuli namunatile, watakana mi kisikatazi.
Katengo katolopo yaKatima Mulilo kaiketezi kubelekisa mayumbelo aBukalo swalelele, kasamulaho liluko la silalanda neli kwalile sibaka samayumbelo satolopo.
Basilezi hala bamashumi aketalizoho nebafilwe mubu wakuyahela mandu, hala purojekito yakuyaha hamoho, kilikwambuyu wazwelopili yalibaka zalitolopo ni matakanyani Erastus Uutoni, mwa Katima Mulilo viki yefelile. Your experience on this site will be improved by allowing cookies. Allow cookies
