KATIMA MULILO – Mapokola mwasikiliti sa Zambezi basweli kubatisisa lifu la musizana walilimo zelishumi kazesilezi yana zibahalizwe kuba Mubata Yalezo, yana tabilwe nikubulaiwa Labulalu manzibuana kanako ya 19h00, kwamunzi wa Muchimbami mwasilalanda sa Singalamwe. Piho ya mapokola ibulela kuli nyandi nakile atabiwa ni silemano sene sisika zibwa kanako yeo, kimuuna ili muyahi wanaha Namibia. 

Azwelapili kunata musizana yomuñwi walilimo zemashumi amabeli kazepeli, ka kumulaha hañatañata. Nakile aholofala kono abanduka kozi. Yakulubelwa nakile abaleha amano eza kezo yeo. Kono muuna walilimo zemashumi amabeli kazelobapeli nakilwe atamiwa Labune musihali, mi tipa yekulubelwa kuli nesebelisizwe ku eza kezo yesituhu yeo nekilwe yayo fumanwa mwalapa la mahe. 

Lipatisiso zamapokola neli patuluzi kuli mwa lizazi leliswana nyandi ni yakulubelwa nebabonwi babapala makazi hamoho. Kukulubelwa kuli manzibuana alizazi leo yakulubelwa akala kuomana ni nyandi, apihelela kuli amufe masheleñi nikubuza za nyazi yahae. Kañi yeo ya zwelapili yakulubelwa halaha wabubeli nikufetuhela nyandi nikumutaba. Situpu sahae nesi isizwe kwalibulukelo la Katima Mulilo, bahabo nyandi nebazibisizwe mi lipatisiso zamapokola lizwelapili.