Paulina Ndalikokule

NKURENKURUs-Kavangob Huriǂoas ge haka ǁhūn guina !nuri!gâ hâ, ǁîna xun !nonana ôa!nâdi khao!gâ ge dītoahe tsî ǀgui-i ǀgui-e noxopa mâǂoa hâse. 

Nēs ge nē ǀkharib di ǂnuwihesa xusa.ǂAn da ases ge ǁAma!khunis ǀkha hâ ǀHôakao!nariba !Kham!oas !Nansa (ACC) 2006ǁî kurib ai ǁ-îs sîsenxasigu ǀkha ge ǂnāǁnâ tsî Kavangob Huriǂoas ǀkhariba disiǀguiǀa(11) kuriga ǁnās khao!gâ !nâba ge mû kaihe. 

Nēsas ge ACCs di senior ôa!gâdi mâisas, Alicia Mushaukwasa, !âǀhuru-aon di ǀkharisi ǀhûs di ǂnûs !nâ ge !gā!gā. Nē !hoaǁaredi ge !Hū!nāsi ǀHôakao!nariba Mâ!oas ǁGuiǂuib tsî Dā!harodi ǀAweǁguib(NACSAP) ǂnamipe ǂoa ge wekheb di Wunstaxtsē ge hâ i.

 Mushaukwas ge ge mî, khoen ǂoaxa-ūsen tama ra īsa ǀhôa!narib ǁhōna !nuri!gâs !nâ, tsîn hâna ǁnāsa nî dīs kara on ge ǂguina ra !an kaihe ǀhûǀgui !khō-amsa si ǁnâu!gâ māsa, nē ǁhōn kaise gaxu ǁaeba dītoahes ai!â ra ū mâsib xa ra !aromahese.”

Sida tsîn ge ǀō-aisa ǁnâu!gâ!khaigu hîa da nē ǁhōn nî !hae ǁaeb !nâ dītoahesa !noe!noes !aroma ssenū ǁkhāna ūhâ tama hâ tsî ǁkhāti ǂan-tsî-hō!âdi ǀkha ǂnôa, ǀonose ACCsa ǀhôakao!narib !nae!khain ǂnamipe ra ǂanǂan khoen hoaǁae ǂhâbasa ǀoasa ǂans tamas ka i o mâpa-i ǁnā khoe-e a ǀhao-ūhe ǁkhās tsîna, ôa!nâ-aona nē-I go ǁî-e a !nuri!gâ khoe-e ǀhao-ūs ǀkha huis ase,” tis ge gere !gaesen. 

Mushaukwas ai!â gere mî !khais ge, nē ǂam !gôab !nurisa ǁhōn diba ǀnîsi !aroma hâs ge, ǁîs a ǀgū ACCs beros ge kurigu !oede Otjiwarongos !nâ ǀgui ǂnôa i tsî Kuneneb, Zambezib tsî Kavangob Aiǂoas tsîna gere !oabasa. ǁîs ge ge mî, ǀasase ge ǂnuwihe Rundus !nâ ACC beros tawan nē kharib khoena nēsi ǁama!khunis ǀkha hâ hôakao!narib !nae!khaide a !nuri!gâ ǁkhā !khaisa. Kavangob Huriǂoas ǀkharisi mûǂamao tsî ǁkhāti a NAXSAPs di aiǂnû-aos, Sirkka Ausikus ge ge mî, ǂâiǂhansens hâsa kaise ǀoro ǀhôakao!narib ǁhōn ACCs tawa nē ǀkharib !aroma a !nurisa !khaisa.. 

“Nēsi da sada xoa-ana xu nî ǁnâu nē ǀkharib mâti ǀhôakao!narib !nammi ai ra dīsa soab tsî ǁkhā soab ai ǁkhāti ǂâiǂhansens ase nî ī !khais ge ǀgui ǁhō-i tsîn ga !nurisa tama i !khaisa. Sada hîa ǂhaitsi ǂhawega ra sao da ra khomai !khaisa sada ǂnûiǂgādi !nân mâtikō ǀhôakaob -ǁaxasina ra īsa,” tis ge ǀkharisi mûǂamaosa ge mî. tsî ǁkhā soab ai ǁkhāti ǂâiǂhansens ase nî ī !khais ge ǀgui ǁhō-i tsîn ga !nurisa tama i !khaisa. 

ǁKhā ǀhaos !nâb ge Modestus Kupembonab, ǁîb tsîn ge ǁhao-aose hâ iba ge mî, ǂauna ǂnûdi ǁgamǁare!nâhe nî di a ǂhâbasa !khaisa, ǀhûhâsigu khoena ǁkhāǁkhākhâis !aroma, ǂguin noxopa ǀgaugu nē ǁhōna !nuri!gâs digu ǂnamipe ǂhanu tsî ǂhâbasa ǂansa ūhâ tama amaga. 

ACCs di sîsenǂui ra direkteri, Tylvas Shilongob ge ǁîb ǀons !nâ gere dana ǀhûhâsib ǁ-gau!nâs tsî ǀhôakao!nariba ǁkhaes mâisab Rundus di ACC beros !nâb, Paulus Lyambezib xa khomaihe gowaǀîs !nâ ge mî, nē ǀhaos kaise a ǂhâǂhâsa !khaisa ai!gûgaru !khamǂuis ǀhôakao!narib dis !aroma.