Oshakati- vaporsi vaNamibia kuna manamo asi tavatulisapo elikwamo lyokudiura vaporosi mo 1/2024-2025 vakare nosilika sononzapo mosira somoOshakati moutano tuna yuka. Silika esi sina kara asi tavakara novantu vana kugwana nonzapo wokusika ko 1800 cadet constable omu navakalipakerera kovaporosi ava vana kara nawo ngesi, e;ikwamo eli takalitura nye paveta Presidente gosirongo Netumboi Nandi-Ndaitwah, muhuyungilipo vaporosi komisaregona Kauna Shikwambi yimo katanterere ngoso Nampa nkera. Age kahundilire nkarapamwe asi vahepa kupwaga momambo gawo vambangipare omu vaporosi vana kulyatera mononzira ngwendi mo Ongwediva, Ondangwa ntani Oshakati. Elyatero lyomoOndangwa kuna kuhoroka mouvali, kutunda mo vili 08h00 kutamekera mositasi saTotal (Oluno) vakahagere nye pomberewa zaNored. Moutatu, elyatero lyomoOngwediva kutamekera poOngwediva trade fair (Etuna Hotel) dogoro konzira zaOmpundja.
Ano elikido lyomoOshakati kuna kukatwikira monzira zokuza koOmpundja dogoro koOshakati pevango lyokudanena maudano. Mvhura ezi kuna karamu erunduruko omu vaporosi vana kukuta sivaro sokusika ko 1800 cadet constable omu vana kuvandindira vaguse mugano gawo yipo nye vakara asi awo vaporosi nye vene vene.yimo ana kutanta Shikwambi. Age kagwedereko asi vacadet ava awo kwasikisamo nawa nawa edeuro lyawo lyomakwedi ntane komavango ngwendi Pius Joseph Kaundu, Ruben Danger Ashipala ntani pevango lyaSimon Mutumba Mutumba mavango nagenye aga gokudewira vaporosi. ‘’ Ose kuna kundindira asi nkarapamwe navawiza yipo vana ngambipare silika sangesi asi ngapi omu vana vawo omu vana vatjindji vatunde mokukara asi vantu tupu vayakare nye vamwe vana kuyatara pakare mpora nopopero. ‘’ yimo ana kutanta. Mvhura zina puko, Shikwambi katente asi evango lyoolyo kwakerepo hena silika sangesi nye sivaro sawo kwakere 1060 cadet cionstable, silika esi nye gayangambiparere Presidente Nangolo Mbumba.
Age katente asi owo nye vagwene nonzapo dawo, ngesi vavakuta nare moyirugana, ngesi awo kwakuruganena vantu vetu monomukunda dokulisiga siga. Siturwapo somvhura ezi kuna kara asi melipakerero tuna sikama; mokukeverera nokupopera Namibia’’ omu tuna kupopera navenye eyi kuna kara nye yovaporosi wovape omu nye vana lituramo mokukarugana sirugana sawo.
-Nampa