KATIMA MULILO –Ngambela waMasubia Raphael Mbala ufile mamela hala kufela kwalitapi mwasikiliti sa Zambezi, mi nakupile swalisano yamubuso ni likhuta zasizo. 

Mwangambolo ni New Era Mbala naize litapi selibonahala kufukuzeha mwasikiliti. 

“Niha usebelisa tunyandi twa meeto amanyinyani, hakuna zokona kuswala. Tunyandi twasefa (wire gorges) tusweli kusinya lika kaufela – kukala katapi totunyinyani kuisa kwa mai mane cwalo ni mililima,” nabulezi.

Mbala naize mikwa yabusinyi ni kuyamba isi kamulao kuyekeza kwabutata, kutisa kozi kwalimbule ni mipilelo yasicaba mwasikiliti sesi fumile hala limbule zamwamezi. 

Mbala nakupile swalisano mwahala mubusisi wasikiliti sa Zambezi, mapokola, sisole sa mwamezi, ni likolo la bundui ni limbule za mwaliwate, ni baeteleli basizo. “Kaufela baswanela kuswalisana kulwanisa bundui kufiteleza tikanyo,” nabulezi.

Naelelize kuli kusicwalo pukelezo yalico mwasikiliti imwakozi mi bubotana kwasicaba babapila mwalibaka zamatakanyani buka hula. 

Buñata bwabayahi basikiliti sa Zambezi sihulu babapila mwasilalanda sa Kabbe ya Mbowela baitinga fabundui. 

Mwalilimo zacwalecwale Likolo la Bundui ni Limbule za Mwaliwate libelekile katata kubukeleza bundui mwasikiliti, sihulu mwalibaka zefumaneha mukulela walinuka za Chobe ni Zambezi.

Hala zenwi neli kukwala litapi nikulilumelela kuzwala. Mubuso hape unze ushimba liyambiso zehanisizwe kungelela cwalo ni tunyandi twasefa. 

Hañata litapi zeyambiwa mwalisa la Lyambezi ni nuka ya Zambezi lilekisiwa hahulu mwanaha Zambia ni naha DRC. Buñata bwa mandui kona fobapilela. 

Litapi halibonahala kufukuzeha pizo ya Mbala isunda maofesi kubelekisana hamoho kubukeleza simbule sabutokwa mwasikiliti sa Zambezi.