LUDERITZ-Mpitisili zombunga zaSWAPO vapa sinka paupolitika mukunda gwa//Kharas Tom Alweendo katente asi mbunga politika zendi kuna kara nomagano omu navakagusapo udigu ou woekonomi moNambia una gumu vantu navenye. 

Age kahuyungire nonkango edi posiruwo oso kakere asi muhuyungi gomunene pepongogona kalikere sinkwa ntani modoropa zaLudiritz. 

‘’ Ose kuna kara neyi yina pumbwa asi twahepa kuyitwara kovantu, kukwama eyi tuna tjanga nye ngesi mombapira zetu zokutantera vantu asi yinke natukarugana, yimo ana kutanta. Ministera gonomina nomarutjeno kuna kutwikira kutanta asi egano lyaSWAPO kuhamena ekonomi lyosirongo ntani epiro yirugana kuna kuza nye ngesi vakatare asi vahepa kuyisesupika yirugane moomu yawapera. ‘’ Eyi tuna kuhundira nayina kweni kuna kara mwahepa hena kutupa nonkondo dokukatwikira kupangera sirongo esi monomvhura ntano odo tuna yuka, omu natukatura asi nayinye yize mosirugana ekonomi kuna kuza monaruwa ntani epiro yirugana nayo kuna kutara asi yahepa kukasesupa. Yimo ngoso ana kuhundira munapolitika ogu. Age katanterere vahameni waSWAPO, novakwatesiko novahali mbili asi mbunga zendi yizo zina kara zopomuhowo mokutanta asi egendeso kuna kara noudigu unene kuhamena epiro yirugana, matungo gana kara asi gekuliko, ntani kapi kuna kara yiruganeso konosure ntani koyipangero. 

Age katumbwidilire asi mbunga zendi nazikarugana asi Green hydrogyn, ntani gas nomaholi vahepa kukayigendesa asi vaNamibia navenye vakagwanenemo uwa. Mokukwama nye runone rosirongo, age katente asi kapi navakayitarerera hena asi yika pwage mosirongo vahana kuyitura asi kuna kuyiruganesa. ‘’ Cabinete nare zapulisira asi marunone getu kapi nagakapwaga hena mosirongo gahana asi vana mana kugarugana moomu gawapera mokugaruganesa, nokugwedako nsonso, ntani kutunga evango lyo Lithium- omu navazirugana nevango lyazo lyomoErongo, eyi vana kumona asi tayikaretesapo yirugana kovantu vetu, yimo ana kufaturura. Age kahundilire owo kavakerepo asi vana hara nye vape elikwamo lyangesi kovantu ava vapilire kukarapo apa lyatameke elikwamo lyangesi. ‘’ Eparu lyokomeho lyosirongo esi kuna kara momawoko getu. Makura kapi nayimoneka nawa asi yininke yangesi tuyizugume mosiruwo seesi setu ngesi, ose twahepa kutwikira mosirongo setu ngovaNamibia. 

Lucia Witbooi, muna sipundi govampitisili ava wokomukunda kwa//Kharas, kahundilire vadinakntu asi vahepa kuwiza mounzi wawo, omu navapopera evango lyawo mokuhorowora wovanzi mbunga zaswapo nakandindate gwazo Netumbo Nandi-Ndaitwah. ‘’ Mwahepa kulituramo muna mana, mwahapulisira vantu peke vayaguse eyi yina kara asi yeni, omu vana kugava sihonena asi yinke yahoroka komahoroworo gomosirongo saBotswana ntani moSouth Africa siruwo somahoroworo, yimo ana kutanta ngoso. -sklukowski@nepc.com.na