OSHANA – Moshitukulwa shaShana otamu ka tungwa oupale 11 woudano, onghee ei onghundana iwa kovanyasha novanafikola molwaashi paife otava kakala ve na oupale womaudano ve li popepi. 

Oupale otava ka danenwa omaudano a yooloka ngaashi okatanga, okulotoka, etanga lokeenyala nosho tuu omaudano amwepo. 

Etivali ngoloneya woshitukulwa shaShana Hofni Iipinge okwa patulula pambelewa oilonga yokutunga oupale vomaudano. 

Oshiwana okwa li sha holoka momwalu muhapu mwa kwatelwa ovanafikola komukunda Eheke pefimbo lepatululo loilonga yokutunga. 

Okapale otaka tungwa kehangano lokulonga eepate lo-Roads Contractor Company (RCC). Iipinge okwa ti omaudano okwa fimana kovanyasha naashi osha eta opo ombelewa yaye i kale ya tula moilonga okutungila oshiwana oupale womaudano. 

“Oshafimanangeengeovanyasha tava kufa ombinga womaudano a yooloka opo va dule okulongifa ounongo wavo,” ta ti. 

Okwa weda po ta ti ovanyasha vamwe ova dalwa ve na ounongo wokudana etanga ile omaduano amwepo a yooloka. 

Ngoloneyaokwayelifatatioupale otava ka tungwa moshimaliwa shomutengenekwafaneko okudja omudo 2025\2026, fiyo 209/2030. 

“Oule weedula odo oupale otava ka kala va pwa okutunga. Ombelewa yange otai kwashilipaleke kutya oilonga yokutunga otai ka enda nawa nondjungu,” ta ti. 

Iipinge okwa ti oupale otava ka tungwa koikandjohoololo ya yoloka moshitukulwa. 

Okwa ti ombelewa yaye melongelokumwe neeministeli da yooloka otai twikile okuyandjaneka omayakulo koshiwana. 

“Oshiwana komikunda da yooloka nashi longele kumwe nehangano ta li tungu oupale okukwashipaleka kutya itashi va ke po oilongifo,” ta ti. 

Omunyasha Angula Herman a dja komukunda Eheke okwa pandula epangelo eshi ta li ke va tungile oupale shaashi ei oyo omhito iwa kuvo okukufa ombinga moudano wokatanga. 

“Ondi hole okudana etanga. Ohandi tameke nokuli okuninga omadeulo,” ta ti. 

Herman okwa ti naye okwa hala okukala omudanitanga tai kondje yoshilongo okukalela po Namibia. 

Okwa ti didilikwa ngoloneya waShana okudja omudo 2025 ta longo nondjungu okuyambidida oshiwana unene tuu ovanafikola tava dengwa koluhepo. 

-fhamalwa@nepc.com.na