Otjiuru tjehi Netumbo Nandi-Ndaitwah matja oviungura kombanda yo-700 vya yandjwa mombumba yotjimariva o-2025-2026 kombunda yo ma tjiukisiro wOmbuiko yOmekurisiro wOmtitanda, oku vatera ozogetjefa zomitanda.

Nandi-Ndaitwah wa handjaurire ozonḓoṋeno inḓa tja tjiukisire orapota yo ma kayendero wokomurungu mombii yo ma panginino womitanda korutu rwa Africa rOtjihorera, African Peer Review Mechanism mo Addis Ababa ape pakapita otjiveke. Watjere ombuiko indji ndja sembamisiwa ombura ndjazuko oyo ku zirira komatokero ngatjama kozongetjefa zomtitranda okuhara otjimariva tjokuuta. “Ombuiko iyazemisa nokuvatera notjimariva nokuhina ouzeu wokuyambeka kotjiṋa. Ombuiko, ndja pangiṋiwa nOzondola za Namibia omangete o-500, mo 2025/2026 ya kwizika Ozondiola za Namibia omangete o-257 Ozondola za Namibia omangete o-52 nda haṋewa movyungura o-110, mbya kwata ovyungura ape o-700,” orapota ndja tjiukisirwe maitja. 

Nandi-Ndaitwah wa raerere ovanane va Africa kutja nandarire omitanda mbihina ovyungura vya tataimbwa po 44.4% mo 2023, Onambia ra kawondja komrungu nomasa okuhungama nomatokero naritwapo otjiungura tjo ku hupika omitanda. Wa raisire kutja Ozondola za Namibia omangete o-62.3 za hanewa movyungura o-140. 

Orapota mai twapo kokutja Ombuiko otjiungurisiwa tjitjiritjo okuwondeka imbi omitanda mbimaviyenene okusora; oku hohiza omekurisiro womameneno wozongetjefa no ku sekamena imwe yozondunge mozondunge nḓa tanderwa okupaturira omivero kotjimariva. 

Omitanda kombanda ya 400 vya hupikwa kehi yomamemeno wozongetjefa zomitanda o-121 motukondua atuhe o-14 mehi. Tjazumba wina omitanda kombanda ya 1,500 vya hupikwa oku tuurungira motjiungura tjo ku yazemisa otjimariva komitanda itji Onamibia Youth Credit Scheme mozombura zo tjimariva o-2023/2024 no 2024/2025.