WalvisBay- mukurona godoropa zaUsakos Irene Simeon -Kurtz kwakuka=hageka kapi ana kukasikama hena apa nasihaga siruwo sendi omu ana tokora asi kapi ana kukasikama hena momahoroworo gonodoropa aga gana kuwiza. Age takakara tupiu nye muhameni gombnunga zendi zaswapo.

Mahoroworo gonondango zonomukunda nonodoropa kuna kukakarako mo 26 November 2025, omu vaNamibia navakahorowora vakansela vakakaremo nomvhura ne. Simeon-Kurtz nkera katente asi age anatokora kapi ana kukasikama hena. ‘’ Ame kwapura asi muntu wahazuhwarera pevango limwe tupu.

Nkenye gumwe gahepa kugwana mpito aruganene vantu vendi. Mokutara nye monomvhura ntano edi gakaramo, yikando yitatu gakara asi mukurona godoropa, age kuna kutjangurura asi kwakere nomvhura ezi galituliremo nomagano nagenye govakwawo vakulike doropa ezi. ‘’ Apa nye Usakos nakagwana nompitisili donompe mo 2026, ame nahara kusigira nye vakamarada vakwetu novaholi navenye mbudi zehuguvaro nelituromo lyenene. Twahepa kukara tuna manamo. Tuna kara nomanifesto zombunga politika zaSWAPO noNDP6 ezi natuturanye mosirugana.

Yimo ana kutanta. Simeon -Kurtz katente asi age naryganena mbunga zendi gomukwatakanesi gombunga moKaribib koruha rovagolikadi waSWAPO. ‘’ Sirugana esi kuna kara somulyo unene, mokuwapukurura maparu govantu unene vakadi. Ame simpe nanikara gumwe ana kutara asi ekuliko liwize moUsakos, likare evango lyomutaro. Ame muntu ogu varetera moUsakos, nokutara asi twahepa kuzitjindja.’’ Yimo ana kutanta. Simeon -Kurtz kwakara no Master degree mo ngesefa zopouzuni ntani nkwawo hena zokugendsa epangero ezi gakagwene ko nkuru sure zaStellenbosch.

Age kuna kara nye ngesi mutoti ntani presidente gongesefa zovasovagani monompitisili nomomagwanekero moNamibia, powercom, ErongoRed, ntani Namibia competition Commission. -edeklerk@nepc.com.na