President Nangolo Mbumbab ge Spaini Gaob Felipe VIǁîba Madrids !nâ ǂoa ge wekheb Donertaxtsēs ai ge ǀhao-ū, !hoaǁarede hâ-a ǀgamǂgerexa !gaeǁares nē ǀgam !hūkha ǁaegu !gaeǁaresa ǀgaiǀgais !aroma. Nē ǀhaos ge Mdrids !nâ ǂnôa Zarzuela Gao-ommi tawa ge hâ i tsî mâǂoahâ xūn di ǀguis ase Namibiab tsî Spainhâkha ūhâ !gaeǁares !aroma ge ī i. 

Presidenti di mîgowaba-aob, Alfredo Hengarib ge ǂnûs nēsa ǁawoǁawo tsî ge mî, dana xū-i nē ǂnûs ǂâisa ge ǂnûi-ai-i ge, ǂhâǂhâsa !khaidi hoa !hūkha di ǂhanukha xa ǁgauǂuihe hâdi !nâ sîsenǁareb tsî ǀomkhâisa ǀgaiǀgai!nâsa, aiǁgause sâuǁkhāsib !nâ !âǀhuru-aosis tsî ǁawosasib ǁhōn khami. 

“Nē ǂgaeǂgui-aokha ge Namibiaba !khō!nami hâ ǀkhurub mâsib tsî ǀkharisi ǁawosasib SADCs dib tsîna ge tsâǀkhā tsî Spaini di māsenxasib ǂkhîb tsî ǁ-awosasib SADC ǀkharib !nâb !aroma ǂkhâ!nâsa mās tsîna,” tib ge Hengariba ge mî. 

“Gaob Felipeb ge ǁîb di tsâbaǁhaosa ǁōǂoa ge President Hage Geingob !aroma ge gowaǂui,” tib ge ge mî. President Mbumbab ge Duits!hūb ǁgab ge ūhâ i saris di daob !nâ Spaini tsîna ge !khōǂgā. Duits!hūb !nâb ge Mbumbaba Kanselir Olaf Scholtzi tsî President Frank-Walter Steinmeier hâkha ǀkha ge ǀhao. 

Namibiab tsî Spainhâkha ge gaxuse !goaxa !gaeǁares hîa Namibiab ge aitsama mâbasensa a hō kurib 1990 xu !goaxasa. Nē !hūkha ge !kharu ge kurigu di ǁaeb !nâ !kharaga !âgu ǂgaiǀons ai, ǁgau!nâs, !narisarimas tsî ǁkhawa a sîsenūhe -ǁkhā ǀgaib projekdi !nâ gere !khōǁôagu. 

Spaini di ǂkhâ!nâs Namibiab omkhâisens tsî khoesi ǁkhāsiga ǁāǁās !nâs ge ǂurusib tsî nauhâ kaixū a mûsa. 

Hengari bra mîsa !oas ge nē ǀunis ai go hâ i ǀhaosa, ǀnai hâ sîsenǁareba sao ra !âgu !nâ ǀkhamaǀkhamas ai go !ammâisa i, ǂgaiǀons ai ǂharugub, ǁguiridi tsî ǀkharisi ǁawosasib hâna. Hoa ǂgaeǂgui-aokha di ǁgūbas sîsenǁareba ǀgaiǀgais ai a !ammâisa !khais ge ǁ-îkha ǁgamǁaredi ǀhûǀguisa aimûǀgarus !gâi !goaxa -ǁaeba hoa !hūkha !aroma nî !khōǂgās ai go mâi hâ isa.