Taimi Haihambo 

Omulumenhu weedula 44 Sydney Steven Naruseb, oo vati a dipaa omukulukadi waye mexuliloshivike koKatima Mulilo moshitukulwa shaZambezi, okwe liyandja kopolifi Omaandaxa eshi a ninga efiku ta kongwa. 

She likwatelela komushangwa opolisi, oshiningwanima osha ningwa oufiku wOsoondaxa eshi ovashiinda va uda eenghuwo potundi onhi-21:00. 

Ava vali po pefimbo loshiningwanima ova ti ova uda Rachel Ikume Simasiku “omukulukadi wa Naruseb” ta kuu mopale, ashike vati okwa li a patelwa monduda, novashiinda kava li tava dulu okuya mo. 

“Ovashiinda okwa li ve udite eenghuwo tadi dilile monduda yavo, ohaluka monduda mwa mwena filu,” olopota yopolifi tai hokolola. Konima vati ova mona Naruseb e kwete ombele ta di monduda yavo yokunangala. Eshi vati a pita puvo okwe va lombwela kutya nava ifane opolifi, shaashi okwa mana eshi a li ta longo. 

Eshi a popya ngaho opolifi oya ti vati poshiningwanima okwa djap o eemhadi kombada, neenghaku daye di li peke. 

Opolifi eshi yeya oku twala Simasiku koshipangelo, oya hanga e na oipute, a tetwa vati komutwe osho yo moshipala. 

Eshi kwa ningwa onghendabala yoku mu twala koshipangelo, vati owa xulifila ashike mondjila. Opolifi poshiningwanima natango vati oya hanga po ekuva li yadi ohonde, eexwiki da fa ngeno da dudwa komutwe waSimasiku, osho yo ongodi yaye ya tatulwa oscreena. 

Naruseb okwa kongwa okudja Osoondaxa, nokwe li yandja kopolifi Omaandaxa. 

Ovapambele vaSimasiku navo ova shivifilwa. 

taimihaihambo2000@gmail.com