Ovanamibia ova ninga omafiku ve na omalipulo kombinga yomahooli, oo taku fofodolwa e li taa shuna pedu momapungulilo molwoita oyo i li moIran. 

Omuprima woshilongo Elijah Ngurare onghela okwa nyamukula omapulo amwe a pulwa koilyo yomutumba wopashiwana shi na sh a nomahooli e li pokupwa mo moshilongo, naashi shi na okuningwa po, shaashi koilongo oku Namibia unene ha teke omahooli okwa lopotwa kuna oita oyo yaya eteko lomahooli aNamibia moshipala. 

“Omakemo oshilongo okwa fika mombelewa yominista i na sha noshikondo shomahooli noikwamina, oshoyo ombelewa yomupresidente,” Ngurare ta yelifa. 

Okwa twikila kutya ashike nande ongaho, omupresidente woshilongo Netumbo Nandi-Ndaitwah okwe lipyakidila noku tula omalongekido peenhele, e na sha noshikumungu eshi, opo shilongo shi kale shi na omahooli a wana efimbo alishe. 

Ngurare okwa yelifa yo nokutwa ovakwshiwana omukumo kutya, inava tula omitwe komapepe molwomahooli, osheshi aishe oi na ashike okukala nawa notai filwa oshisho komukulunhu woshilongo. 

Omupopiliko woumunisteli womahooli noikwamina Anna Salkeus okwa ti nonande pe na omashongo eli ngaha, fiyo opapa oita eshoyo omhumbwe yomahooli inai kwata eendado domahooli moshipala momwedi waMaalisa. 

“Ondado yomahooli o petrol oili po N$ 19.58 koliitela, omanga odiesel 50ppm ili po N$19.63 koliitela, yoo o diesel 10ppm ili po N$19.73 koliitela,” ta yelifa. 

Oiningwanima ili ngaha ngeenge tai holoka, unene ei hai kwata omahooli moshipala, ohai xumifa yooondadoyoikulyameniloshilongo pombada shaashi ngeenge Namibia ta teke oikulya okudja kondje yoshilongo ohalongifa oyeendifo hai pula omahooli, kutya nee okopate ile omomeva. 

-taimihaihambo2000@gmail.com