Molwetukuko lomukifi wekondo nelaka oo wa didilikwa komaushiindalongo a shaama naNamibia, ehangano loNamibia Agricultural Union (NAU), pamwe neembelewa dounaimuna naakwao a wedwa po,okwa hangana opo a ete po omilandu dipe, dokulitetuka nokuninipalifa etandavelo lomukifi wekondo nelaka. 

Omahanago aa okwa kala omutumba, nokulonga noudiinini opo a dule okutukulilafana oinakuwanifa moshikumungu eshi. 

Ndokotola wokoshikondo shounaimuna Dr Ingrid Henckert- Weissnar, opamwe no-NAU ova ti ova kendabala yo okukonga eefaalama novanafa laama vopaumwene, va tukulilafane eendjidikila dokukelelela omukifi, osho yo okukonakona nokutala omadidiliko otete. 

“Natango otwa patulula yo oukamue wa kola, komahango akula ayooloka omo mwakwatelwa Livestock and Livestock Products Board of Namibia (LLPBN), oyo tai ka yandja omakwafo opashimaliwa, osho yo omiti tadi ke lihanena oshilongo omo ovanhu tava kala hava lyata pokamate, yo oimuna tai kala hai ende momeva, unene ngeenge peeboloka dopolifi,” Henckert-Weissnar ta ti. 

Peengeba opo vati hapu kala fimba i na ongodi unene, ngeenge oimuna tai piti, nonghee ovanambelewa ava, otava ka fya oshisho kutya opa tulwa omiti dokuxwa oimuna tai kadja kondje taiya meni loshilongo. 

NAU okwa ti fiyo opapa Namibia ina didilika omukifi wekondo nelaka, kutya nee vati okoitukulwa ei hai kala ina oinamwenyono yanyika omukifi ngaashi oshitukulwa shanooli oshoyo Zambezi. 

Ashike vati nande ongaho, ove li ninga nale muku ndende li tetuka manga eelu ina liya. 

Ehangano eli natango ola kunghilila oshiwana shi kale sha kotokela oididiliki yomukifi ou, noku tula noku ilopota manga pepi. 

-taimihaihambo2000@gmail. com