Omupresidente gwaNamibia Netumbo Nandi-Ndaitwah Omaandaha, okwa talelepo Mozambique.

Shika omupresidente okwe shiningi konima yoku talela po iishiindalongo iyali – Zambia naBotswana oshiwike sha zi ko.

Nandi-Ndaitwah okwa talelepo iilongo ayihe mbyoka itatu okunkondopaleka uukumwe wa wo oshowo oku kokeka omaliko giilongo yawo.

Sha ikolelela komushangwa gwa pitithwa kombelewa yomupresidente Nandi-Ndaitwah okwa talelepo omupresidente gwaMozambique Daniel Chapo, nelalakano lyokukundathana omaupyakandhi ga taalela iilongo yawo oshowo oonzo dhopaushitwe. 

“Oopresidente yiilongo iyali Namibia naMozambique oya kundathana noku dhimbulukithathana uukumwe wa kola wuli pokati kawo oshowo ondjokonona yawo sigo ompaka ya thikama nena,” omushangwa gwa leshwa ngaaka.

Mwa nyolwa kutya, oopresidente oya thindi wo omuthindo nkene yena okushi e nda okupitila meuvathanotsokumwe ya tula po opo ya kandulepo omaupyakandhi ga taalela iilongo mbyoka.

Oopresidente oya uvathano wo nkene taya kandula po omaupyakandhi gataalela iilonga noku etapo omauwanawa agehe taga pumbiwa kaakalimo yomiilongo moka. “Oya kundathana ooprograma ndhoka tadhi kandula po omaupyakandhi gokwaana iilonga noluhepo, uupyakandhi mboka unene wa taalela iilongo ayihe iyali,” ya shanga ngaaka.

Ombelewa yomupresidente oya nyola wo kutya, omitse dhiilongo Namibia naMozambique oya popi kutya, omolwa omahooli nomuku dhoka dha monika moNamibia, otaya kalongela kumwe okutula miilonga shoka tashika longithwa noku etwa po gaye miilonga, ihe ha molwa omauwanawa giilongo mbyoka ashike ihe omolwa omauwanawa giilongo yilwe iikwawo.

Onga iilongo ya tseyikila okundulika okawe, oya kundathana wo nkene yina okulongela kumwe okuhwepopaleka ongushu yokawe miilongo ayihe iyali.

“Okwa kumagidhwa oominista oshowo aakuluntuwiliki yiikwamina miilongo ayihe iyali opo ya tsakanene noku kundathana shoka sha tokolwa koopresidente,” ya ti ngaaka.

vkaapanda@nepc.com