Ousemba kOvaafrika novandu mba ziriire mOafrika okutuurungira motjisuta ra tjiukisirwe kotjiveta pombongarero yOruwano rwa Afrika oitja 38 otja ombura ndji mai rire embo romuravaere mokuti ongaango.
Puyo wina pupa kakarere ondekurona Joyce Muzengua ngua kakarere norupa motjihungiriro ngondoroka nOtjisuta. Otja kondyero yOruwano ndwi pombongarero yaro oitja 37 ombura ndja zuko kutja ombura ndji oruwano ndwi karu neimburiro rarwe mari imburwa poo kari nembo rarwe mari piti motjinyo tjaro na povitjitwa vyarwe oure wombura aihe ndji pendje nembo ehongonekwa ndi. Ombongarero oitja 38 ndji ya haamene tji ya ri 14-16 ku Tengarindi motjihuro ohongora ihi Oaddis Ababa tjehi ndi Oethopia.
Momapahero nge kawondja komurungu wousemba nonḓekasaneno otjisuta nai ondiri ehungi enenenene nemwatamwate rondanaukiro ndi mari hepa ombango nokutjita kOvaafrika avehe na mba zirire mOafrika avehe.
Tji tji he ri otjihungiriro porwe ohunga nOtjisuta nomauhasemba womakuruhungi uriri nungwari wina tji matji tanana nganda atji tara komuhapo woviwaṋa na mouye.
Orutuu rOruwano rwa Afrika motjiṋa hi pu maru raisire kutja ouzeu wokuṱuna imbi mbya piramisiwa i yorukapitaveze poo omauvi waro, otjo tji tji he ri otjiṋa otjipupu tjinga atji noupupu nouzeu watjo ovyo wina mbu ha munikire ko, kutja owohuurire poo owomaumino okuza mOafrika nokukaririsiwa ovakarere hembandina nomuronga wa Atlantika,; Owombangu yOtjivarara poo ombangu ombaranga yotjivara, otjiṋa tji matji hepa okukonḓononwa nokuhoninwa nokuhina ozohahi.
Otjisuta kOvaafrika na mba zirire mOafrika matji pe Oruwano rwa Afrika ohitirapo yokukambura nokutoora ounane wOtjiungura tjOtjisuta tjAfrika. Wina matji vatere ovakwatera va Afrika nOvaafrika momahi wozonganda okutunga epango rimwe rombwaneno. Mongondjero yousemba nomasutiro wOtjisuta kOvaafrika komauvi womakuruhungi novizepero mbya tjitwa kuwo mu mu na wina ohuurire, ombangu yotjivara (Apartheid) nOtjiṱiro Otjindjandja.
Tjingetjo, Otjisuta otjembo ehongonekwa rombura komurungu mari undura otjikasuka tjozombura nḓa kapita kutja Okomisi yOruwano rwa Afrika i nyomone ouparanga noumbambairi Otjisuta mokati na moukoto wayo. Pu na popezu otutu pekepeke mu muna omahi nouṋepo waro.
Motutu pekepeke otuingi wina ehika rozombara za Kandjoze, okuiisira kombongarero yaro ohonge ndji rwari nayo momautiro womueze mbwi, ondjira imwe ndji rwa tanda oyOAU.