Abraham Mwanyekange

Eshi oshilongo sha manguluka mo1990, odoolopa yaMuthiya kaya li po, opa li ashike pena omano oo amwe kwali haa ufanwa omithiya. Nonande pa kala pe na ondjila oyo ya pita po opa kala ashike pe na oundingosho novahapu ova ka mona ashike omauwa konima yoshilongo eshi sha manguluka. Odoolopa Omuthiya oi li moshitukulwa Oshikoto, na oyo yimwe ya talika ko tai dulu okunana ovatalelipo omolwonhele apa tai lihange molwaashi omo hamu pitile keshe tuu ou ta di kOwambo a yuka koushimba.

Omuthiya owa lukilwa eno hali ufanwa omuthiya olo la wapo mo 1976. Odoolopa oya tulwa po mo2007.

Odoolopa yaMuthiya oi li popepi noshikunino shoinamwenyo shEtosha osho yo ofifiya oyo hai talelwa po luhapu kovatalelipo. Osha fimana ngeenge to talele po eenhele odo u kale wa pita modoolopa u pitule oikwa noipangifo yoye, shaashi ngeenge owa tale, modoolopa omu na eembaanga adishe oko to dulu okukufa oshimaliwa, eefitola doikulya adishe omo di li, eembelewa dopapangelo omo tadi monika modoolopa osho yo eembelewa dopolifi osho tashi fatulula newi limwe kutya Omuthiya owo omutima wOshikoto. 

Odoolopa yamuthiya oya indjipaleka omayakulo ahapu unene oo taa pumbiwa kovakalimo ngaashi oupale vetanga, eefitola doitungifo, eefitola doikulya, omayakulo opaunamiti a denga mbada, nomahangano omakwashilipaleko. 

Odoolopa yaMuthiya otamuhangika omatala eli pomufika wopombada omo oikulya yopashiwambo nomo unene tohange ovanangeshefa vopedu tava landifa oilandifomwa yavo. -abbenghilai@gmail.com