Abraham Mwanyekange 

Komufala wopolifi moshitukulwa Oshana Commissioner Naftal Lungameni Sakaria okwa indila ovashingi vomahauto opo veli kaleke kokule nokunwa omaongo ngeenge tava kaya koshiteelinga. 

Komufala edi okwedi popya efimbo kwali tapopifa ovakalimo vomo shikandjohoololo Oshakati East oshivike sha pita. 

“ Iha tu penduka ashike atu luufana kutya fyee ovapolifi kakele otuna oinakuwanifwa ngaashi okuninga ee patolola momidingonoko detu,” Sakaria tati. 

Sakaria okwa takela omunwe ovashingi vomahauto unene ovo havelidenge moikaliva ngaashi, ongongola kutya inava ninga nande epuko vakashinge omatuwa omanga veli denga mo. 

“Ndishi ohamu liheke kutya ongongola Iha i monika koushina vokutala omalodu molutu dimbulukwa kutya odo odanakalindi filufilu nongeenge nokuli oweshiningi ohatu kumange po ashike ndele topewa nokatekete koye,” Sakaria tati. 

Komufala okwa yelifa ta ti nande omunhu okwa nwa ombike ile oikunwa yokongoma oushina vopaife oveli pomufika wopombada shaashi otava dulu okumona ouhapu womalodu oo eli molutu lomushingi wotuwa. 

Sakaria okwa yelifa ta ti okushinga uli koshi yodungo otashi dulu okueta oiponga mopate. 

Okwa wedako ta ti naau tekelituwa tashi ningi ota ka taalela oveta ndele ta pewa ehandukilo lopaveta. 

Okwa yelifa ta ti ovapolifi ihava pewa ombubo ngeenge va kwata oshiwana tashi ningi omapuko mopate ile tashi longo oimbuluma. 

Sackaria okwa yandja ouyelele kuKundana oshivike sha dja ko eshi tati omwedi wadjako ovanhu vakwata veli koshi yodungo manga tavashingi ovali 27 omanga ovo vakwatwa petameko la Marsa veli 4. 

Komufala okwat ti okuna elineekelo kutya ovashingi vomatukutuku otave ke liumbata nawa nokutula ekunghililo laye moilonga. 

-abbenghilai@gmail.com