Taimi Haihambo 

Ovashingi voutaxi oshoyo ovanangeshefa vamwe vomangeshefelo opedu, ova holola eudo nayi nehalo lavo va hala eefikola da tameka opo va dule oku longa oshimaliwa natango. 

Omushingi wotaxi Simeon Joesph okwa ti, oha twala ovanafikola kofikola pefimbo longula, yee teke va tala komatango, ashike ohashi mu etele oshimaliwa neenghono. “Paife omunhu nghee to penduka owa kenyanana shaashi kape na ekastoma. Voo ova twaalelwa ovehole ‘ndina po’. Keshe efiku ove napo ashike omulongo pokati kOngwediva nOshakati, ashike keve wete ashike shapuka nande okashona,” Joseph ta ti. 

Okwa twikila kutya ngeenge eefikola dapatuluka ohava kala mo lela nawa shaashi ovanafikola oha futu nawa, voo naava vokomwedi ohava ete lele shapama nawa mondjato. 

Pomwene Immanuel omunangeshefa womangeshefelo opedu okwa ti oha shingifa oukuki vaye noushike pengeyo ovo ha landifa peefikola dafika punhatu, pokati kOngwediva nOshakati, ashike eshi ovalandi vaye ove li mefudo – naye vati oku li mefudo li luluma li hena nande odola tai uya mo. 

Okwa twikila kutya paife oshidjuu kuye oku landifa shaashi kena onhele apa ta landifile. “Ovanhu vahapu peenhele davo domalandifilo ove li po vati have di fendele komwedi onghee ita va hale oku shaama naame,” Immanuel ta ti.