Sure zina paturuka nayina, vakondi kuna dukire koyitora vakarande mudwaro gosure, nombapira nayimwe yokuruganesa kosure, eyi vana hepa vanona vawo petameko lyomvura rongo ezi 2022. Moomu mwanare, pep, Shoprite , jet ntani Waltons yitora modoropa zaOshakati kayikere yina zura vakurona novanona omu kavalituliremo asi vqahepa kuranda oyo vana kupura kosure omu navenye kuna kara asi vahepa kukasika kosure mosiruwo setameko. 

Mokukwama elikwamo lyosure nosure kuna kutameka nayina dikapate mwaJune 10, mvhura zeezi. 

Mukweyo gokoWaltons kunakara dogoro ponze omu vana kundindira momutenya yipo siruwo sawo sisike varande eyi vana kupapara. 

Maria Shigwedha, gatunga moOgongo momukiunda Omusati kuna sikama momukweyo ure wovili, nye simpe kapi ana gwana mbatero. Ame kapi nina hafa kweyi dina kurugana nosure depangero. 

Awo kuna kutuma muzaro gomure gonombapira edi novhura kukaranda, nye ose kapi tuna kara noyimaliwa oyo, eyi novura kukaranda nombapira odo. Yimo ngoso ana kuhuyunga. 

age simpe katangwine koyimaliwa eyi ana ruganesa kougendero awize kodoropa morwa sitora sopopepi kapi zina kara noyihepwa oyo vana kupura. Kapi pana kara malisigo pokatji konosure depangero nedi dopaumwene. 

Uwa unene nepu tutengura kongendeseso zanare, omu natukafuta yimaliwa yokosure yimo ngoso ana hara age Shigwdha. Kufuta yimaliwa yosure kwayigusako konosure nadinye, depangero nedi dopaumwene momvhura 2013ano nosekondere mo 2016. - vkaapanda@nepc.na