Om u k u l u n h u w i l i k i wouministeli wehongo okwa kunghilila ovahongifikola opo va xulife po okukala tave lidenge noshoyo okutukafana keefikola shaashi eshi otashi ulike efano lii kovanafikola nokovakwashiwana momudingonoko. 

Sanet Steenkamp okwa ti ombelewa yaye itai ka fiya emanya la londa kulikwao kombinga yovahongifikola tava ka lopotwa tave lidenga, okulituka ile tava ningile vakwao omatilifo. 

Okwa kumaida ovahongifikola opo ve likelele okuninga oihakanwa yokulonga oimbuluma osho hashi dulu okueta omuhongifikola a kanife oilonga. 

Neudo okwa li pecna okavidio taka tandavele komalungula kovahongifikola vavali vovakainhu tave lidenga kofikola shaashi vati omuhongifikola umwe a ye nomulumenhu wovanhu. 

Kofikola Tjihozu Combined School moshitukulwa shaMusati okwa lopotwa omulumenhu womuhongifikola e li modolongo eshi vati ha tuku ovahongifikola vakwao noshoyo okuningila omukulunhufikola omatilifo kutya ote mu dipaa. 

Omukainhu weedula 55 womuhongifikola okwa li a kwatwa po shaashi vati a xwika po eumbo lomukulupe womukunda Oshatotwa moshitukulwa shaHangwena. 

Edi Steenkamp okwe di popya Etivali eshi a ninga eenghundafana naKundana a hokolola nghee ombelewa yaye ya didilika ovahongifikola hava longo oilonga youxwapindi komesho yovanafikola. 

Onghee okwa ti oinima yoludi e li nai kale alushe tai lopotwa keembelewa dovakulunhuwiliki vehongo opo oupyakadi u kale wa kandulwa po. 

“Ovahongifikola nava kale ve na ombili, elongulokumwe shaashi eshi otashi kwafele ofikola i kale tai ulike oshihopaenenwa kovanafikola nokovakwashiwana momudingonoko,” ta ti. 

Okwa weda po ta ti ovanafikola navo inava pumbwa okukala tava ningile ovanafikola vakwao omatilifo ile okutuka vakwao. 

fhamalwa@nepc.com.na