Abraham Mwanyekange 

Ovahongifikola ova dika eenyala medu tava ti inava tambula ko ewedelo leendjabi odo da udafanwa kehangano lovahongi ledina Namibia National Teachers Union (NANTU) nepangelo. 

Ovahongifikola vahapu ova yandja ombedi koNANTU tava ti inava pula omawedele po omanga inali ya meenghundafana nepangelo. 

“Ovetu nwapo. Okwa li vena okutupula tuva pe omayele, nonghee fyee itatu tambula ko ewedelo leepelesenda nhano odo tadi popiwa,” Penehafo Carlos omulongifikola kosekundefikola yEheke ta ti ngaho. 

Carlos okwa ti eepelesenda nhano oda fikamana po ashike moshimaliwa N$700 oo a tala kutya itaa kwafa sha molwaashi nokomedical aid okwa wedwa. Okwa ti oo oupyakadi ashike wa wedwa kuukwao nonghee inava hafa nande. 

Johannes Johannes omuhongifikola kosekundefikola Etosha okwa ti ove lilongekida opo va ye mekangha vo va pule epangelo opo va wedelwe oshimaliwa shi li pombada. 

“Otwa tota po ongudu yoWhatsApp oko kuna ovahongi va fika po2400 ovo twa tokola okuya mekangha opo tuka yandje omukundanyenyeto wetu,” ta ti ngaho. 

Johannes okwa ti ovalongifikola vamwe ovelilongekida vakafiye po ehangano loNANTU shaashi ova kanifa elinekelo mehangano. 

Onghendabala yokumona ouyelele koNANTU inai pondola sha molwaasho eengodi domombelewa inadi kufwa po. Nantu olo ehangano hali kalele po ovahongifikola ngeenge tashi ya peenghunafana. 

-abbenghilai@gmail.com