Oshikuku- ministera godoropa nekuliko nomukunda, Erastus Utoni katente asi epangero kuna litura,mo unene mokurugana ligusepo udigu ou una kara mosirongo wokupira mambo. Apa nye kahuyungire posiruwo sokugava mambo 219 moOshikuku momandaha, Uutoni katente asi nzira zokugenda muntu oka gwane embo nde unene kukwama omu ono kuyigazara nyamoge.
Nye epangero ngesi kuna manamo mokutara asi udigu wangesi twahepa kuutara nawa. Mogo 219 mambo, kwagagwana monompito dokulisiga siga melikwamo lyokudika mambo. Murongo natambali kwagadika wobuild together ano aga 63 kwagadika wo Shack Dwellers Federation of Namibia neruganeno kumwe nombunga zonkarapamwe azipungura yimaliwa yavene. Ano gokuhupako kuna kara nye pokatji kondango zodoropa zaOshikuku ntani United Holdings.
Uutonmi katente asi ndango zodoropa kwagava evhu lyokusika komambo 30 vapira kuwapukurura nawa nawa ano aga 10 kwagawapukurura wombunga zaBuild together, omu vagwene simaliwa sokusika ko N$800 000 meyereko lyomvhura 2023/24 lyomvhura.
Epangero simpe kuna lituramo mukutara asi ngapi navagusapo udigu ou wokupira mambo nampili asi muntu kwato eyi gaweka ndi arugana ngano gahepa kukara nembo. Mokugwedako, ministera simpe katente asi pwankenye ntambo zemepangero, kuna karamu nonkambadaro dina manamo unene kwava vatunga momavango aga vatura paveta asi gokutunga omo yina kara asi vantu vamo kuna kara kwahana mambo.
Age kahundilire nombunga dopaumwene asi dahepa kuruganena kumwe nepangero nonombunga daly, omu ngano navavagwanekera pokatji mokutara asi ngapi navagiusapo udigu wokupira mambo.
Johanna Amutenya, ogu gakara asi silyo so SDFN , kaziremo momunene mokutanta asi yinke azirugana ezi mbunga zawo omu ava pungura yimaliwa, moNamibia. Kwakara nonombunga dokusika ko 937 novahamenimo wokusika ko 31 650 mwaza sirongo. Momukunda horowero gwaOmusati, Amutenya katente asi kwakaramo nombunga dokusika ko 56 ano vahameni 1 504 ava vapungura dogoro ngesi silinga zokusika ko N$3.1 nomiliyuna ngoso. Yina kara yomutaro mambo gokusika ko 339 kwagatunga momukunda gwina noyimaliywa yokusika ko N$8.5 nomiliyuna, ano N$6.9 nomiliyuna odo nare vadifutako.
Mbunga nye zomoOshikuku kuna kara novahameni 217 omu vana kara nonombunga ntatu dina kupungura yimaliwa, omu muna kara asi 61 nare vagwana mambo gawo. Yimo ana kutanta. Amutenya katente asi mokuyipakerera, awo ngesi kuna kara nye noyimaliwa yokusika ko N$513 067.85 –Nampa.