Wokusika ko 34 vagazarerwa kavavapere matengeko gokusika ko pokatji ko N$2000 no N$4000 kutundilira kovaporosi morwa kurandesa marovhu posiruwo esi sina karako somunkama sina silike kurandesa yikorwesa posiruwo esi.
Siruwo nye esi tuna kara ngesi asi nomukunda dimwe kwdipata, mavango gokurandesera marovhu nagenye kapi vana gapulisire garandese, morwa marovhu kapi gana kara nago asi yimwe yohepero posiruwo esi ngwendi asi nondja, nomiutji ntani kugwana nye mema. Mokukwama veta ezi zakara asi kutulisapo siruwo somunkama mokambumburu ko COVID-19 veta 11 sintokorwa gona (1) kuna kutanta asi muntu kapi torandesa marovhu morwa veta ozo (1) ove ngoso ono rugana epuko ndi onotaguruka veta ano nsene vana mugwana asi anataguruka veta, vahepa kumufutisa yimaliwa yokupira kupitakana N$2000 ndi gahepa kukara modorongo sinano sokupira kupitakana makwedi ntazimwe ndi nayinye kuyimuyambeka afute ntani takahwilira modorongo. Muhuyungilipo vaporosi vaNamibia komisara gona Kauna Shikwambi katente asi wokusika ko 21 kavavapere matengeko vafute N$2000 momukunda horowero gwaZambezi omu kavatagurukire veta zo 11 zoveta zomunkama. Shikwambi katente hena asi vavali varandesi womombaha kavavakwete. MoOhangwena namo, vane katukwetemo morwa kapi kavasikisiremo veta zokulifana, simpe nokukwata hena varandesi mombaha morwa kupaturura mbaha ozo. – sikela@nepc.com.na
Momukunda gwa Omusati pokamukundagona Oshikushipya, konyara vantu wokusika ko 350 kavavagwene vana pongo asi pomakanderero mevango lyomutungimo gumwe.
Shikwambi katente asi awo yipo kavaziremo vavaronge kuhamena udona una karapo mokuponga mbunga zina huru opo awo yipo nye kavalihene. MoOshana, Khomas, //Karas, Omusati ntani Otjozondjupa mwankenye mukunda horowero sihorokwa simwe kavagwenemo soku pira kusikisamo veta zomunkama.
Ntani vantu vavali momukunda gwaKunene, nawo kavavapere nzo zokusika ko N$2000 morwa nawo kapi kavasikisiremo veta zoozo. Momukunda gwa Erongo, mugazarerwa kavamufutisire yimaliva yokusika ko N$4000 morwa kapi kasikisiremo veta zomunkama ntani hena karandesere marovhu gahana mbapira zepulisiro. Shikwambi katente asi kwato nampili epuko lyonkandi kavarapotere moKavango zoupumezuva ndi zoutokero. Eyi kuna kwateremo nomukunda ngwendi Hardap, Omaheke ntani Oshikoto. Shikwambi katente asi siruwo nye esi vantu kavavapere marondoro asi vahepa kukwama veta ezi vana turapo zomunkama ezi ana tulisapo Presidente gosirongo. Varondi momahauto hawe kuna kuvahundira asi vasikisemo veta ntudi maugendero gamwe. Varondi kuna kuvahundira asi vaha ronda motaxi zina rondeke vantu wokusika ndi wokupitaka kwavatatu. Erongo lyahepa kukwata moyitji kuhamena vasingi wonotaxi asi yinke udona wokambumburu ntani asi ngapi akalihana, yimo ana kutanta Shikwambi. Simpe kagwedereko asi kupata nongesefa dimwe kuna kara udigu unene, morwa nombudi edi vana kugava depuko vana kupukisa vantu vetu. Mokutura nye eyi vana tura paveta ntani erongo ngoso, ose kuna kuyipura asi mukaro nagulitjindja ngoso tuna kara nye asi wokutura veta mosirugana hawe naturgana moomu twavhulira.” – sikela@nepc.com.na