Omulumenhu weedula 39 okwa tambulilwa moshipangelo shaShakati konima eshi a nwa oudio shaashi vati a dipaa omukainhu waye.
Oshiningwanima osha ningwa molukanda Ouranda modoolopa yaPuwo onghela efimbo lokonguloshi. Nakufya okwa tongolwa oye Kaatjee Clementine Paul omukalimo womOpuwo. Opolifi oya hokolola tai ti oshiningwanima osha ningwa pefimbo ovaholafani ava kwa li tava tanguna keumbo lomufekelwa.
Okudja opo vati omufekelwa okwa li ta kendabala oku li dipaa omo vati aka nwa oudio. Omufekelwa oku li monghalo i li xwepo nota ka holoka momhangu ngeenge okwa lekelwa moshipangelo.
Omakonakono opolifi otaa twikile moshikumungu eshi.
fhamalwa@nepc.com.na