ONGWEDIVA- Jonas Nghishihange omunamido 25 a shivika nawa nedina “JFocus Media” okwa hokololela Kundana nghee eshi enda opo a ninge omafeneki dingi mOshakati.

Omuhongifikola keifano ou, okwa ti eifano laye okwe li tula manga penya shaashi mokufaneka oha mono mo sha shakola lela.

Nghishihange, voo vamwe tava ti “Jonas the Educator”okwa tumbula kutya olweendo laye lokufaneka okwe li tameka manga e na eedula 19. Ta ti etameko kala li lipu shaashi kali e na efano lopaumwene.

Okwa twikila kutya fikulimwe okwe li twa omukumo opo a pule umwe womovamwaina a longife efano laye olo la li la mbaangwa meumbo, hano iha li longifwa sha.

“Eshi eli pange onda tameka oku kala handi faneke eefelende dange kofikola momukalo woku li hafifa no ihandi va pula nande ofilinga. Onda ka papala ashike ovanhu hava pula nge kutya ohandi faneke ku ingapi, nonda katameka handi va pula N$5 mefano limwe,” Nghishihange ta ti.  Okwa twikila kutya omukalo watya ngaha owe mu pa ounongo uhapu, nokonima okwa tameka ha feneke oivilo yakula ihapu yopombada. Ovanhu ova tameka yoo oku shiiva oilonga ei ha longo, novakala nee have mu dengelenge eengodi opo eke va faneke. Nghishihange okwa yelifa yoo kutya okwa didilika nghee ovafaneki hava mono oimaliwa tava endelele, shoo osho a kendabala okukufa ombinga mongeshefa yoludi olo. 

Ongeshefa yokufaneka vati oye mu kufa koxulo yehonga shaashi oha dulu oku vatela meumbo lavo, noha dana onghandangala mokulanda oikulya meumbo, olusheno oshoyo okufuta omeva. “Ohandi pandula yoo eshi ndi na ovadali ova itaveli hava indilile ongeshefa yange keshe efiku opo i dule okuya komesho,” Nghishihange ta ti. 

Ta ti okweli pyakidila nokudeula omunhu apyokoke nawa mokufaneka opo emufiile ongeshefa yaye manga taka honga eshi eli hongela.

Nghishihange okwa twa yoo ovanyasha vakwao veli momaumbo vateelela okumona oilonga vatameke oku kufa ombinga meengeshefa dayooloka shaashi naye oko ashike atamekela oko. 

Okwa weda po yoo kutya ota dulu oku monika ko 0815826180.

taimihaihambo2000@gmail.com