Opolisi moshitopolwa shaShana otayi kumagidha oshigwana kaashi lande iinima momapandaanda. 

Tayi ti, ngoka ta ka adhika niinima ya yakwa otaka mangwa po kopolisi.

Shoka osha li sha popiwa komupopiliko gopolisi moshitopowa shaShana Thomas Aiyambo, konima ya li ya lopotelwa egumbo oshowo ositola yiikutu ya ponokelwa kaafuthi.

Otaku hokololwa kutya omukiintu gwomimvo 51 okwa li a thigwa pomutenya sho iinima yimwe yomegumbo lye, ya li ya yiwa nayo ontuku naafuthi, ethimbo a kotha.

“Omukiintu ngoka okwa li a kotha, ihe kakwa li a uvu omainyengo gasha, ethimbo aafuthi ya li ya ponokele egumbo, nokututa mo iinima,” ta hokolola ngaaka. 

Ta ti, aafuthi okwa li ya kutha mo iinima yongushu N$30 000, mwa kwatelwa otv, ofiliza, omakumbatha, micro wave oshowo iizalomwa.

Oshiningwanima shoka osha holoka koongulasha dhOmaandaha mOngwediva.

Moshiningwanima inashi faathana, okasitola kiikutu okali  ka ponokelwa natango kaafuthi koongulasha dhOlyomakaya.

“Aafuthi oya yi ontuku nomapando goongaku 28, oohema 90, uuzalitho 42 niikwawo yilwe. Ayihe oyi na ongushu N$ 114. 500,” ta hokolola ngaaka.

Aiyambo okwa ti, okasitola hoka oke li pomatungo goPama Phamarcy mOshakati.

Opolisi otayi indile moshigwana kukehe ngoka e shi ngoka alongo iningwanima mbyoka, nenge a mona omuntu talanditha iinima tayi limbililike a dhengele opolisi yili popepi naye.

– vkaapanda@nepc.com.na