OLUSHANDJA-Omeya ngoka kwali ga uvanekelwa okupombwa okuza mondama yEtaka okuya momukanka ngoka gwa ningi omasiku tawu opalekwa, osho ga panunwa ko Olyomakaya.
Shoka okwali sha eta omukumo maanafalaama oyendji moshitopolwa shaMusati, sho ya kala nuutile oshowo eyikwato pomutima kutya iimuna yawo onayi ka sa kenota. Aaniimuna oya kala taya lili enota, oshoka omuloka gonuumvo ka kwali gwa gwana. Ngashingeyi omeya oga panunwa okuza mondama yEtaka guuka kOponona, hoka natango omeya taga kaandjanekwa oku ya kodhiya galwe, opo iimuna koshikandjohogololo shUuvidhiya, hoka kwa dhengwa unene kenota lyiimuna, lya dhenge unene.
Omeya ngoka taga ende omukanka guthike pookilimota 130, natango otaga kathika kiitopolwa, Oshana nOshikoto.
Omukuluntu gwehangano lyokwaandjaneka omeya Abraham Nehemiah okwa ti, omeya ngoka oga opalela shike iimuna niikwamapya, ihe ka geshi goku nuwa kaantu.
“Omeya oga panunwa nelalakano lyoku hupitha iimuna mbyoka ya sa enota. Otwali tuuvu ko omanyenyeto gaanimuna, sho shoka kwali twa tokola okukutha onkatu ndjika,” ta fatulula ngaaka.
Nehemiah ta ti, okwali ya nyolelwa ombapiila okuza kombelewa yaNgoloneya gwoshitopolwa shaMusati, ta yi ti, aaniimuna itaya lala po omolwa enota lyoongombe dhawo, konima kwali inaaya mona omuloka gwa gwana nuumvo. Ta ti, okwa li ya tseyithilwa kutya ngele omeya ngoka inaga panunwa ko, iimuna otayi kasa po thilu kenota.
“Ombelewa yOmupilima okwali yetu yambindhindha noomlliona N$3 opo tu longulule ondama yomeya oshowo oku opalekulula ondjila tayi endwa komeya okuya kOponona,” ta ti ngaaka.
Ta ti, omayambindhindho agehe ngoka okwali ga ningwa omolwa uutile womaso giimuna ngaashi ngoka kwali ga holoka omimvo dha piti, ngoka kwali ga thigi aaniimuna oyendji pomutenya. Okwa kumagidha oshigwana shi longithe omeya ngoka ngaashi ya kumagidha, ihe haku ga nwa nenge haku teleka nago. Nehemiah okwa kwashipaleke kutya omeya ngokataga tulwa moondama otaga adha sigo ethimbo lyomvula, noya inekela kutya nuumvo okuna omuloka omwaanawa. “Otatu tsikile oku opaleka oondama oshowo oopomba ndhoka kaadhili monkalo yili nawa, opo tu kale tu na omeya ga gwana sigo omimvo tadhi ya,” ta ti ngaaka
Ngoloneya gwoshitopolwa shaMusati, Erginus Endjala okwa ti oshitopolwoa shawo inashi mona omuloka gwa gwana nuumvo, okalo ndyoka ya dhenge aanafalama yeli kooha ndhoka naala pomutima oshowo miikandjohogololo yilwe.
“Omeya ngoka ga pononwa otaga ka hupitha iimuna oyindji, noomwenyo dhawo odhuuvite ombili paife oshoka shoka yali yuuvanekwa osha holoka,” ta popi ngaaka. Ta gwedhapo kutya aanafalama otaya kala yena omeya pethimbo ndika lyoshikukuta.
Titus Abed gwomoshitopolwa shaMusa ti okwa ti, oyuuva kutya omeya oga pononwa, ihe oomwenyo dhawo odheya pomahala. “Otuu wete ike taga ende kashona okuthika momatale getu. Oomwenyo odha shuna pomahala nonando inaga thika natango,” ta pandula ngaaka.
Omwendhi gwayi Namwater okwa li oopaleke omukanka ngoka no kwali aakwashilipaleke aanafalaama kutya omwendhi nguka gwaAguste omeya otaga kala ga thika momatale gawo.
vkaapanda@nepc.co.na