Namibia okwa mono omwaalu gwaapashiyoni gwa yi pombanda momumvo 2022, gwa thika po461 027, okuyelekanitha naapashiyoni 232 756 mboka ya li ye ya mo momumvo 2021.

Uuyelele mbuka owa li wa tseyithwa kominista yomidhingoloko, omakut i nomatalelopo Pohamba Shifeta. “Oshilongo osha li sha patulula oongamba dhsho adhihe okutaamba ko aapashiyoni taya zi kondje yiilongo naashika osha li sha pupaleke omukalo gwokuya moshilongo, sho osho sha eta omwaalu gwaapashiyoni gu ye pombanda ngaaka,” Shifeta ta tumbula. Okwa li wo a ti yimwe yomwaambyoka ya tul a omwaalu pombanda omwa kwatelwa eyinekelo lyoshikonga ‘Destination Namibia’, okuya moshilongo nuupu; elundululo lyoovisa, omwaalu gwiipundi yoondhila okuya moNamibia gwa yi pombanda; omahwahwameko giikonga okutalela po Namibia; okukutha ombinga miigongiilonga nomaul i ko gopa i g wana ; osho wo oont sapo tadhi popile Namibia muuwanawa uuna ya talele po oshilongo.

Shifeta okwa li a popi kutya iilongo mbyoka oyo ya talelwa po kaapashiyoni oyendji muuyuni oyo South Africa, Angola, Germany, Zambia, Botswana, France, United Kingdom, United States of America, Italy naSwitzerland. Okwa ulike kutya oopelesenda 53,1 oya li ya pashiyona pokati kaSepetemba naDesemba, omanga oopelesenda 36,1 pokati kaMai naAguste, dho oopelesenda 10,8 dha li dha pashiyona pokati kaJanuali naApiilili, ta ti okwa ndhindhilikwa elunduluko, nomupashiyoni oha vulu okukala moNamibia sigo uule womasiku 16. “Esindano lyetu itali tulwa ashike kondjele yaapashiyoni mboka ye ya moshilongo, ashike otatu tala wo kelogelokumwe opo ku longithwe omikalo dhokukaleka uupashiyoni ponkatu yopombanda, okugandja omayakulo ga dhenga mbanda, ekwashilipaleko lyonkalo yegameno nosho tuu,” ta ti ngaaka. Shifeta okwa dhenge omuthindo kutya oshikondo shaNamibia shuupashiyoni oshi na ompito okulikola iiyimati iiwanawa okuza momangeshefelo gomeni lyoshilongo, osho wo iishiindalongo. Onk e ne sha simana okuhwahwameka iikonga yokumonikitha oshilongo kaantu yalwe, opo nAanamibia ya tameke wo okupashiyona.

-Nampa