Taimi Haihambo

ONGWEDIVA - Ehango loAdvance Trainig Consultancy otali ka yandja omadeulo kovanangeshefa veengeshefa dopedu oo taa ka tameka moshike shotete shaJuni 2023.

Omunambelewa wokoAdvance Training Sandra Muramba okwa tumbula kutya voo ovadidilika kutya eengeshafa dopedu odi na onyala yakula ngee tashi ya peyambidido leliko loshilongo. Ova mona yoo kutya okulundulula ounongo wavo mongeshefa yoludi eli otai dulu okweeta elenduluko lakula oshoyo okuyandja eemito doilonga kOvanambia vahapu. Muramba okwa tumbula yoo kutya ovanangeshefa vopedu vahapu kave na lela ounongo wa wana wongeshefa. Otwa hala nee okunenepeka ounongo unini oo ve na, shaashi vahapu ohava di ashike momaumbo tava ka landifa opo va mone omboloto, ndele kave shi lela shihapu sha nyika ongeshefa,” Muramba ta tumbula. “Otwa hala ovanhu voludi el i va nenepeke eengeshefa davo opo va dule okuyandja eemhito doilonga fikulimwe,” Muramba ta weda po.

Ehangano eli otali ka yandjanomadeulo oule womafiku avali keengeshefa adishe dopedu oshoyo ovo ve na edilaadilo lokutota eengeshefa. MOvenduka ottava ka yandja keenhele di li koikandjohoololo ya yooloka ngaashi Moses
//Garoeb, Samora Machel, Tobias Hainyeko, John Pandeni, oshoyo Katutura East. Omadeulo otaa ka twikila yoo fiyo omoitukulwa aishe ei ya xupako i li 13 yaNamibia.

Omadeulo otaa ka kwatela mo lela oinima ihapu ya pamba elongo longeshefa, na keshe omukufimbinga okwa teelelwa a fute N$250 opo d idule okufutila eedjapo odo tava ka pewa konima yomadeulo oshoyo eemhumbwe dimwe da wedwa po.  Muramba okwa tumbula kutya edeulo otali ka yandjwa lela kovahongi va pyokoka nokonima ovanangeshefa aveshe ovo va tokola okukufa ombinga ottava ka mona ounongo uhapu nghee ve na okukwatela po eengeshefa davo opo di dule okuya komesho. Ovakufimbinga ova kunghililwa opo va ke lishangife keembelewa dookansela.

“Ovanageshefa vahapu havalandifa momapandavanda oule weeedula dihapu fiyo onena ova tya ashike outololi tava landifa oinima ye lifa,” Muramba ta tumbula. Okwa weda po kutya otaka hafa unene ngeenge a ka mona ovanhu voludi eli tava kufa ombinga moshinyangadalwa sha tya ngaha shaashi otashi dulika va dje po tava kaya kukole neengeshrfa davo.