New Era Newspaper

New Era Epaper
Icon Collap
...
Home / Aiyambo: Opolifi itai ka yakula ovanhu va djala ‘nai

Aiyambo: Opolifi itai ka yakula ovanhu va djala ‘nai

2022-07-29  Festus Hamalwa

Aiyambo: Opolifi itai ka yakula ovanhu va djala ‘nai

Omupopiliko wopolifi moshitukulwa shaShana Inspector Thomas Aiyambo okwa kunghilila ovakainhu noshoyo ovalumenhu opo va kale tava djala nawa ngeenge tava i mokati kovanhu.

Aiyambo okwa ti ombelewa yaye ohai yakula omanyenyeto okudilila moshiwana kombinga yovakainhu tava djala nai mokati kovanhu unene tuu komandiki omangeshefelo.

Okwa ti itashi ulike efano liwa ngeenge omukainhu a djala nai komesho ounona shaashi eshi otashi xwaxwameke ounona navo va kufe ko oshihopaenewa shokudjala nai.

“Ovakainhu novalumenhu vamwe ohava djala nai ngeenge tave uya okukonga omayakulo keembelewa dopolifi. Onghee opolifi itai ka pitika omunhu mombelewa  a djala nai komesho yovapolifi,” Aiyambo ta ti.

Okwa ti ovanhu nava kale tava djala oikutu ei tai dulu okudjalwa komesho ovanhu.

Edi Aiyambo okwe di popya pefimbo a ninga eenghundafana naKundana mEtine eshi a hokolola ta ti ovakainhu vamwe ove hole okudjala outayeta noumbindja vaxupi nekoto li li kombada omanga vamwe ohava djala ve na omavele e li kombada “osho shi li sha nyika oshiponga neenghono.”

“Omidjalo dimwe dovakainhu otadi eta va kale tava kwatwa onghonga shaashi ihashi kala shipu komulumenhu ngeenge a tala omukainhu a djala ombwila komesho yaye. Onghee naashi ohashi nane omulumenhu opo a kwatwe komahalo oipala nomukainhu oo,” Aiyambo ta ti.

Okwa ti ovanhu nava kale ve lifimaneka ngeenge tashi ya pokundjala opo va dule okufimanekwa yoo vali kovanhu vakwao.

Okwa kunghilila yoo vali ovalumenhu opo va xulife po okudjala eembulukweya di li koxulo yomatako komesho yovanhu.

Okwa weda po ta ti ovanhu vamwe ohava kala va djala nai meenhele hadi landifa oikulya.

fhmalwa@nepc.com.na


2022-07-29  Festus Hamalwa

Share on social media