ONGWEDIVAS – ǀGuikaidisi (100) xa a !nāsa skolǀgôan Mweshipandeka Senior Sekondere Skoli di ǀgôan ge Covid-19 !aroma go !âihe, ǁnāpan ge ǁkhai-i ǀkha ra !gûǁare khami ī mâsigu ǀkha !kharaga ǀae!khō!khain tawa ǂoa ge Fraitaxsa xu gere sīse. Oshana ǀkharib di ǂurusib direkters, Johanna Haimenes ra mîa !oab ge mîǁguiba ge ūhe nē ǀgôan nî !âide dī-aihesa, ǁîn Covid-19 ǁōsa a ǂhīsas tamas ka i o-i nē-e a tare!nôa ǀae !khaisa. 

Nēsis kōsen ge ǀgam ǀgôan di !âira nexatifse ge ǂoaxa. “Sida ge noxopa !aromas nē ǁō-i dis ôa!nâdi ǀkha a ǀhawe. Tita ge !nāsa !gāsasiba nēs kōse aibe ūhâ tama hâ tsî ta ge ǁnā-amaga !aruǀî hâ ǂansa a mā ǁoa,” tis ge Haimenesa ge mî. Oshana ǀkharisi ǁgau!nâs direkters, Hileni Amukanas ge ǁawosasib ǀkha mâtikō !gôab di ǀgôan go a ǀae!khōhe !khaisa go mā ǁoa i ǁîn noxopa !nāsa ǂansa ǀhaoǀhaos ǀkha a ǀhawe amaga. 

“Hoara ta tita a ǂans ge 100 xa a !nāsa skolǀgôan!kharaga =urusib ǀae!khō!khain hîa Ongwedivas tsî Oshakatis tawa hân tawa !kharu ge sâǁaeb !nâ gere ǀae!khōhesa,” tis ge Amukanasa ge mî. 

ǀKharisi ǁgau!nâs direktorats ge nēsi ǂurusib ministerisa xu !âidi !nuriga !âu hâ tare-i nē ǁō-e go !aromas tsî mâ ǁkhaubas ǀgaugu a sîsenūhe ǁkhāsa ǂans !aroma. Amukanas ge gem î, ǀnî ǀgôan ǁgâudi tawa ǁgûn di mûǂams !naka hâsa, naun ge skoli di hosteldi tawa a oasī hîa. 

“Hoaraga ǀgôan hîa hosteldi !nâ hân di ǂurusib ge ǂōrisase nî kōrihe tsîn ge ǁgûn tsî ǁnā ǀgôan mûǂams di !ereamsa tani hâ khoena hoaǁae ǂhôan gapise nî ūhâhe,” tis ge ge mî. New Erab ge ǁnāpa ra skolǂgâ ǀgui skolǀgôas, Anna Shikongos ǀkha gere ǁgamǁare tsîs ge ǁîsa gere mî “Tita ge a ǀū nē-i a !gāǂgāsa ǂû-e xu hâ tamas ka i os a Covid-19 ǁō tamas ka i o ǀnîsi ǁnaetisa ǁkhais ǀguisa ī !khaisa, xawen ge hoa ǀgôana ǀgui ǁgauǁgaun ǀguina ra ǁgau”.

ǁGau!nâs ministeris ge ge mî, ǁîn hoa ǂhâbasa ǂansasn kara !khō!oatoa, o ǀgui ǀnîsi nî hâ ǀkharaǀkharasi-i ǁnā skoli di proxrammi tamas ka i o kalenders ai-e nî ǂanǂansa, tsî sâsasiba skoli tsî ǀhûhâsib ai ra ǂansa nē ǁaeb hîa da noxopa tare-i a !aromasa a ǀūb !nâ.