• October 25th, 2020

Bayemeli batolopo bateulwa mwa Katima


WINDOKO – Buñata bwa bayemeli batolopo ya Katima Mulilo babayemela kopano ya Swapo, neba teuzwi mwaliketisa zakopano zakuketa baipapati baliketisa zetaha. Bane bateuzwi kungelezi cwalo ni muyemeli yomuhulu Charles Matengu, ni bayemeli babañwi Georgina Mwiya-Simataa, Esther Sankwasa, Judith Muhongo-Mapenzi, Salubila Maswahu ni Munalula Sikosi, nebapalezwi kuba famukoloko wabasupile, kwanda muyemeli Lister Shamalaza kona yana siezi. John Ntemwa, Simanga Chiza, Mapenzi Namangolwa, Progress Sipapela, Sehwe Khama ni Screven Sikwala kibabañwi bane baketilwe. 

Liketisa za likiliti ni litolopo lika ezahala la 25 Njimwana. Muongaongi wa kopano ya Swapo mwasikiliti sa Zambezi Moffat Silezi, naekelize kuli hala lilalanda zelobapeli, zene kuketilwe bayemeli babanca, mi babane bakutezi. Babanca ki Vincent Sinalumbu wa silalanda sa Judea Lyabboloma, Bernard Sisamu wa silalanda sa Kabbe ya Mutulo, John Mukaya wa silalanda sa Katima ya Tolopo, ni Sonia Musukubili-Mwangela wa silalanda sa Linyanti. Babakutezi ki John Likando wa silalanda sa Kabbe ya Mbowela, Warden Simushi wa silalanda sa Katima ya Matakanyani, Ignatius Nkunga wa silalanda sa Sibbinda, ni David Muluti wa silalanda sa Kongola. 

Muongaongi wa sikiliti nasusuelize limembala kaufela mwalilalanda zelobapeli kubotela baipapati. Naize yomunca ki musali feela alimuñwi Musukubili-Mwangela wa Linyanti.  “Kakuba muongaongi mwasikiliti nikasusueza buñata kubotela baipapati ba Swapo. Ni susueza limembala kaufela za Swapo kubotela baipapati baluna, nihaike hakuna kemelo yelikanelezi hala baana ni basali. Kibumai kuli nelusika fumana basali babañata kuyema mwaliketisa za sikiliti, kono nataba kakuli kwa katengo katolopo ni katengo kamunzi nelufumani baipapati ba basali,” nekubulezi Sileze.


Albertina Nakale
2020-10-12 10:44:17 | 13 days ago

Be the first to post a comment...

You might also like...