Omukainhu weedula 34 okwa fya eshi vati e limangeleka shaashi vati kwa li tava tanguna nomulumenhu waye noshoyo mumwainakadona.
Oshingingwanima eshi osha ningwa Etitano kOtjimbingwe moshitukulwa Erongo efimbo longula.
Nakufya okwa tongolwa oye Fabiola Fatima Mutunda omukalimo womOtjimbingwe.
Omupopiliko wopolifi moshitukulwa Erongo Inspector Ileni Shapumba okwa hokolola ta ti Mutunda okwe uya meumbo pamwe nohonda yaye noshoyo namumwainakadona okudilila konhele yomangeshefelo oko kwa li tava tanginine.
Vati eshi a fika meumbo okwa tula ondjato yaye monduda yokunangala ndele tadi mo meumbo auka mepya.
Opolifi oya ti konima yefimbo Mutunda okwe li tuwa eli meemhango momuti uli mepya lambulavo komunhu a hangika ta piti po ponhele opo.
Okudja opo omunhu okwa lombwela ovakwapata vaye meumbo kombinga yomukainhu eli meemhango.
Kapena omukanda wa fiwa po kombinga yefyo laye no nande vati kwa li tava tanguna novakwapata vaye.
Omakonakono opolifi otaa twikile.
Opolifi oya kunghilila ovaholafani opo va kale tava ka konga omakwafo kovafitaongalo ile kovaxungimwenyo ngeenge ve na oupyakadi momakwatafano avo opaihole.
– fhmalwa@nepc.com.na