KATIMA MULILO– Katengo ka Sikilitisa Zambezi ni Katengo ka Sikiliti sa Chobe mwa Kasane, mwanaha Botswana nebanyatezi milelo ya tutengo tone kuketilwe kuetelela likalulo zeshelashelana za swalisano, kwa mukopano wamazizi amalalu mwa Katima Mulilo. 

Mukopano utaha kasamulaho tutengo totubeli twa likiliti netu nyatezi tumelelano yakubeleka hamoho mwakweli ya Sikulu ñohola, mwalikalulo zecwale ka kamaiso yende, milelo ya libaka zalitolopo, kamaiso ya silalanda, limbule za mwamezi zekopanenelwa, sizo ni lipapali. 

Kubona kuli mil elo ya tumelelano yatalelezwa katengo kaka ongaonga nekaketilwe kwamukopano one ubile teñi mwa Kasane mwakweli ya Ñulule, mi mukopano wacwale neli kuto nyatela misebezi ya tutengonyana. Hana bulela kanako yakukwalula mukopano simubuso Labubeli, mubusisi wasikiliti sa Zambezi Lawrence Sampofu nakupile tutengo twa likiliti totubeli kuzwisezapata swalisano yesebeza mwa tumelelano yabona. Naekelize kuli tumelelano yeliteni mwahala lisole zalinaha zepeli ise ibonisize miselo ye minde. 

“Tumelelano ya sisole yene patalalizwe mwa Kasane la 9 Mbuwana, ni mwa Katima Mulilo la 30 Mbuwana 2024 izamaya hande. Kulemusa sicaba ni buñata bwa babapila kwa mukulela wanuka kuli baswalisane ni masole, kufa litaba zelukela kuli bubangoki hala linaha zepeli sina kuzuma isi kamulao bulwaniswe,” nekubulezi Sampofu. 

Mwa manzwi ahae ane abalezwi muinasipula wakatengo kasikiliti sa Zambezi Matengu Simushi naize kutula twa tumelelano kuyemi fa buitamo bwa tutengo totubeli twa likiliti. “Nitalimela lingambo sakata ni kucincana maikuto mi nina ni sepo yakuli kasamulaho amukopano maikuto sakata aka fumaneha. Alusebeze hamoho kuyaha bukamuso sakata mwa likiliti za Chobe ni Zambezi,” nabulezi. 

Muinas ipula wakatengo kasikiliti sa Chobe Johane Chenjekwa naize mukopano kikolo yakuli likiliti zepeli lilwanele ni kunyatisisa mabaka ane atisize kuli bakene mwa litumelelano. 

“Nelu ezize buitamo kuli luka sebeza katata kubona kuli likiliti zepeli ili Zambezi ni Chobe lihulisa litaba za lipisinisi ni kufundota. Tulo yeo ikona feela kukonahala haiba tutengonyana totu ketilwe inge tupeta misebezi yetufilwe. Kaswanelo ni kanako,”