Eenhele mbali domalandifilo koshikandjohoololo oda xwipa po konima eshi ovakwashiwana tave li lundile oulodi.
Kansela woshikandjohoolo shaTamazi Johannes Iiyambo okwa kunghilila oshiwana shi xulife po okulundilfana shaashi osha osha nyika oshiponga neenghono.
Iiyambo edi okwe dipopya eshi komukunda Oshikwiyu poundingosho Uupopo pa longwa oilonga youshada yeendingosho mbali daxwikwa po kovakwashiwana konima eshi va kale tava lundilafana.
Kansela okwa ti Osoondaxa poundingosho moshikandjohoololo shaye omwa pya eendingosho, daxwikwa po kovanhu shaashi vati mwene wado omulodi.
Okwa ti ovakwashiwana ova xwika po eendingosho mbali efimbo oufiku lOmakaya manga kwa li mwene wondingosho a ya keumbo ndele tava xwike po vali ondingoshi ikwao ei yili poushiinda.
“Osha nyika oshiponga neenghono ngeenge ovanhu tava lundilafana shaashi ohashi dulu oku eta oshiponga,” Iiyambo ta ti.
Okwa ti konima eshi oshiningwanima sha ningwa ova ninga omutumba namwene womukunda osho yo novakalimo vopomukunda Oshikwiyu wali kombinga yoshikumungu shokulundilafana.
Okwa ti mwene wondingosho yaxwikwa po okwa ka nifa omaliko aye ayeshe kwa li eli mondingosho yaye mwakwatelwa noshiwaliwa shaye eshi kwa li shili meni londingosho pefimbo tai pi.
Okwa ti ovanhu eshi va penduka ohave hange nale eendingosho mbali adishe dapya po filufilu.
Iiyambo okwa kungulila oshwiwana opo shixulife po okukala tashi shilundilafana moinima yoipupulu i ena oukwashili.