Ministera gonodoropa nekuliko nomukunda doponze zodoropa, Erastus Uutoni, moutano kageve paveta mambo gokusika ko 33 aga vatunga wombunga avatumbura asi Okahandja Shack Dwellers Federation. 

Uutoni, mosihuyungwa sendi esi kakaresere mokumukwateramo Nathalia /Goagoses, ministeragona gwendi, katente asi awo kuna kuhundira vahamenimo navenye moShack Dwellers Federation of Namibia vatwikire mokuruganako ruha rwawo omu navadika mambo kapisi mokudika mambo mwelike nye vahepa kulihameseramo vafute makongo gawo. 

Age katente asi kufuta makpongo gawo nayininkisa vaze komeho ntani mokuvatera nye vahameni vawo, ntani age simpe kahundilire asi vahepa kulihameseramo unene moyiviyauka yawo, muna hamene kupungura ntani kuruganena kumwe.

 ‘’ Eyi kuna kara yina kumoneka nawa nawa asi vantu vetu kuna pumbwa embo yina kara asi mulyo unene nsene asi kuna hara kugusapo ruhepo ntani epiro kuhetakana , awo varetesepo nye eruganeno kumwe, kutwara ekonomi komeho ntani paupolitika kuna kuparuka nye nawa, ‘’ yimo ana kutanta Uutoni. 

Uutoni kapandwire momunene kweyi vana kugwana mbatero kombanga zaStandard bank, ava vatura nye asi silinga ezi vagava yizo vayadikisa mambo aga. ‘’ Eyi kuna kara omu ava turaco nsonso, mulyo gelipakerero ntani kuruganena kumwe eyi vanduruka kupitira moHarambee Prosperity Plan ntani sisewe nye sovaAfrika , ‘’ Omu ana kutanta asi sirugana kurerupa nsene musilikwatesa, ‘’ yimoa ana kutanta Uutoni. Nampa

Kutunga…. Ministeli zonodoropa nonomukunda 

doponze moutano kavageve paveta mambo 

gokusika ko 33, vatunga wombunga 

zaOkahandja Shack Dwellers Federation. 

Efano: kuna kugava yoyinzi.