• August 6th, 2020

Erongo kuna kuvapa egano kuhamena epato


WalvisBay – Vantu vatunga mosirongo saErongo vahepa kutambura egano eli lyokupata momunene awo vavhurembo morwa kuna kumoneka asi vaNamibia vamwe kapi vana kusikisamo veta zangesi zokulikunga komukisi ogu guna gumu ndi asi kuna kudipaga vantu mouzuni. Eyi kuna kutunda nye kwakomisara govaporosi moErongo Ileni Shapumba, ogu katente asi awo kuna kumona simpe vantu unene morukanda rwaKuisebmund ndi Mondesa, kuna kuza nongesefa moomu mwanare, nampili ngomu asi vanavapaterere, epaterero eli gatulisapo Presidente Hage Geingob mokutura nonkambadaro mokuhagekesapo simbumburu esi Covid-19. Vatu kuna kugendagura kovantu mononzira simpe kuna kara noudigu. Yipo nye asi ose kuna kuhundira vatungimo vetu vafumadeke untu womuntu yipo asi tuzuvhe asi ose kuna kara montambo zeparu lyomunkama kapisi kugusa nkenye eyi ponoureru. Twahepa kufumadeka etokoro lyangesi. Magano nagenye twahepa kugasikisamo. 

Ose kuna kuza tukahanesa eruganeso lyetu. Kapi natukarera asi erongo lylike tuna kugava narunye, Shapumba yimo katente ngoso mosondaha. 

Kuvhura kuyizuvha asi vantu kuna tambura yimaliwa yawo mosikondovike nye vahepa kurugana varandange nondja dawo. Age katente asi moomu yina kara asi gumwe tupu mekoro ndi membo gokuvhura kuza aka rande nondja vanona novantu vamwe vahepa kuvasiga membo. Ose simpe tuna mono asi vantu simpe kuna kurandesa nye marovhu momambo, ntani yitora gona nampili ngomu yina kara asi kapi vana yipulisire yirugane siruwo esi. Asi kapi yina kara yokutambura noureru yipo asi ose kuna kuhundira vamusinda vatare vakwawo makura kumwe nokufugwinina vaporosi pwahana kukara malirango nkenye,; yimo ngoso ana kuyizeresa.
 – edeklerk@nepc.com.na


Eveline de Klerk
2020-04-02 09:50:11 | 4 months ago

Be the first to post a comment...

You might also like...