Home / Esiku lyOkufuta Oolisinisa dhOotiivi Lya Undulilwa Komeho Esiku lyOkufuta Oolisinisa dhOotiivi Lya Undulilwa Komeho
WINDHOEK NBC okwa undulila esiku lyokufuta oolisinisa dhootiivi sigo omasiku 22 Desemba molwashoka oshigwana otashi pula shi pewe natango ethimbo shi fute oolisinisa dhasho okuza omasiku 30 Novomba 2006 ngoka kwa li ga tulwa po. Omukuluntuwiliki goNBC, Bob Vezera Kandetu okwa tseyithile oshifo shika kutya etokolo olya ningwa okulelepeka ethimbo lyokufuta oolisinisa molwashoka mesiku lyahugunina ano eti 30 Novomba ndyoka kwa li lyahugunina, oya koneke omikweyo omile nendumbalo lyaakwashigwana pomahala mpoka hapu futilwa oolisinisa. Kandetu okwa yelitha kutya eundulilo komeho lyesiku okwa li lya pumbiwa oshoka aantu ayehe ka kwa li ya mona ethimbo okufuta nenge okukala noshimaliwa okufuta omolwomatompelo gi ili nogi ili. ÃÆ'Æ'Æ'ÃÆ''šÃ‚¬Ngame ondi uvite uuntsa okutseyitha kutya oshigwana osha yamukula neitulomo enene naantu oyendji oya futa. Ngaashi hashi kala monkalamwenyo yomuntu, haantu ayehe kwa li ya mona ethimbo nenge oshimaliwa opo yi iyuthe kesiku ndyoka kwa li lya tulwa po, ano eti 30 Novomba, nopethimbo ndika aantu otaya monika ye li momikweyo omile pomahala agehe moshilongo. Omolwomatompelo ngaka, otwa pula opo tu lelepeke ethimbo ndika lyesilohenda opo aantu mboka ye na ehalo okufuta ya vule oku shi ninga,ÃÆ'Æ'Æ'ÃÆ''šÃ‚® Kandetu ta ti. Oku shi talela momaukwatya ngoka, oNBC oya tokola okulelepeka ethimbo lyesilohenda sigo omasiku 22 Desemba. Etegameno li li po olyo ndika kutya omalongekidho ngaka gesilohenda otaga ka pitika aantu oyendji ya vule okufuta. Kandetu ina vula okuholola omahala mpoka tapu futilwa oolisinisa moshilongo ashihe kutya oga gongela po oshimaliwa shi thike peni. Ishewe ina vulu okupopya kutya oNBC okwa tegelelwa yi gongele iimaliwa ingapi okuza moshikonga shika, ta ti okuyele unene okupopya shoka tashi ka gongelwa po. NBC opo ta ka tula omuthika gwe gomauyelele pondondo ombwanawa opo a vule okutseya kutya aantu yangapi ye na ootiivi oshowo kutya aantu yangapi ya futa oolisinisa dhawo. Oshimaliwa shokufuta olisinisa yotiivi moNamibia N$204. Iimaliwa mbika ohayi kwatha okuyambula iiyemo moshiketha shoNBC. ÃÆ'Æ'Æ'ÃÆ''šÃ‚¬Mboka mwa kala momikweyo omile, inamu sholola, tsikileni nuudhiginini, Kandetu ta kumike mboka taya kambadhala okufuta omanga esiku lyahugunina inali thika. Nonando ethimbo lyesilohenda kwa li lya taambiwa ko nomaako agehe kooyene yootiivi omayovi mboka kwa li ye na oongunga, mboka ya kala haya futu nawa oye uvite kutya oya pumbwa okupewa ko iimaliwa yawo.
Your experience on this site will be improved by allowing cookies.
