Aakuthimbinga ye li 61 okuza moitopolwa ya yooloka yokonooli yaNamibia oya li ya kutha ombinga medhingoloko lyotango lyomathigathano gokuteleka okapana dhingi ngoka haga unganekwa kombaanga yoNedbank, ga li ga ningwa mOlyomakaya mOshakati. Aasindani yokonooli mboka taya ka taalela aasindani aakwawo kedhingoloko lyahugunina muAguste oyo Johannes Haulondjamba, Loise Iimvula, naCleopatra Shipanga. 

Omunambelewakuluntu gwokupititha omauyelele moNedbank Namibi a , Ge r n ot de K l e r k momushangwa gwa pita mOmaandaha okwa ti ethigathano ndika olya nana aantu yomithika dha yooloka okuza oshikando shotango shoka sha li sha ningwa pwa pita omimvo omugoyi ngashiingeyi. Nuumvo, Jacobina Samuel ,omunangeshefa e na uulema womeho,okwa li a tsu omukumo aantu ya kuthe ombinga ngaashi ye, nonando e na uunkundi mboka. “Sho twa li mesiku ndika mu na iinakugwanithwa oyindji, medhingoloko lyotango, otashi nyanyudha okumona iipala iipe niikulu tayi kutha ombinga. 

Shika otashi ulike kutya oshigwana oshi na ohokwe nethigathano ndika, sho tu wete aantu ye vule 60 ya kutha ombinga,” de klerk ta ti ngaaka. 

Ta ti wo Nedbank okuuvite etumba mokukwathela aanangeshefa aashona ya yambuke po okupitila miikonga ngambika notayi ka tsikila neyambidhidho ndika komeho. 

Samuel okwa ti okwa li a longitha ompito ndjoka okutsa aantu omukumo ya tidhe oondjodhi dhawo nonando pe na omayimbo. “Onda li ndi na okandunda kokuland itha i ikulya mOndangwa, ashike okuza ethimbo lyoCovid 19, onda li nda pata nangashiingeyi otandi kondjo ndi tamukulule nongeshefa. 

El a l a k ano ly andj e o k u k u t h a omb i n g a okukumika yakwe tu nakehe ngoka e na uulema wontumba kutya ngele owu hole okulonga iilonga yontumba, nena uulema woye inawu kala eyinda oku ku kelela wu longe iilonga yoye,” ta ti ngaaka. 

E d h i n g o l o k o l y a landula ko otali ka kala ko mondool opa yokomunkulofuta yaWalvis Bay momasiku 08 Juli, tayi ka landulwa kedhingoloko lyotango mOvenduka momasiku 8 Aguste. -Nampa