Easy access at the tip of your fingers, subscribe to our daily ePaper version of our New Era Newspaper.
Home / Geingob takakara pepongo lina kukakarako lyo Brics nodopi sivike esi
Geingob takakara pepongo lina kukakarako lyo Brics nodopi sivike esi
2018-07-26Staff Report 2 Kuzeeko Tjitemisa WINDHOEK - President Hage G. Geingob kuyinkondopekere asi yipo nakakara pepongo eli lina kukakarako lyokuhamena etulisopo elikwamo lyoBrics ngomu vamuzigida asi yige nye ngesi ana kukagusa unasipundi wegendeso wombunga zaSADC omu nage ana kukakarapo mokukayimona asi yinke yina kuhoroka mepongo eli mosirongo sovamusindavaSuid Afrika. Epongo eli kuna kukahamenamo yirongo ngwendi Brazil, Russia, India, China ntani South Africa lyomurongo ngesi kuna kukakarako moJohannesburg kutameka une dogoro utano. Geingob kageve mbudi ezi paapa kamwene vanambudi mokunyatera eruganeno kumwe nosirongo saJamaika kemunzugo lyepangero. “ Ose tuna hafa eyi vana tuzigida, ose kapi vamwe twakara asi woruha oru rwaBrics, nye ame kunakugazara asi kuna zigidange morwa nyame nina kukagusa evango lyokukara asi munasipundi gwaSADC. Mulyo unene muntu ohingire opurakene asi yinke vana kuliyonga, yipo asi apa nye nanigusa una sipundi mwaAugust, nare ninadiva asi kurugana ngapi. Yimo ngoso ana kutanta. Nasihuguvara kapi ngakukara malikwamo gokurangapeka unene koyirongo eyi yakura, ose twakara nare nositurwapo asi kwato ogu ngalizuvha asi vana musigiko, nose si kapi ngatu lizuvha asi vana tusigiko. Geingob katente asi age ana hafa morwa vana musigida kepongo eli, morwa kuvhura akagwane mpito omu nakauyungisa epongo eli, lina kara asi kumwe nombindakano nombindakano. Ogu nage kakere tahuyunga posiruwo oso mufumadekwa ana kuyadingura sirongo esi nkuru ministera gwaJamaica Andrew Holness katente asi nage takakarapo ngomunasipundi gombunga vana kutumbura asi Caribbean Community (CARICOM). “Ame ekaropo lyange kuna hara tupu kukamoneka asi mbunga zetu zoCARICOM nazo vana zikarerepo. Unene yirongo nye eyi yekefuta ayo hena yirongo yoyinunu, yina kukura pwayene. Age katente asi koyili yoyisesu yimwe yina gumu mavango aga, unene yirongo yakara asi kwahamena moBrics, vana pumbwa mbatero. Nye yirongo eyi yahamena koBrics vahepa kuwizamo nononkondo yipo vavatere ava vana kuhepa unene melikwamo lyawo lyekuliko. Makura ekaropo lyange mulyo unene morwa ose twahepa kukaliyongako kuhamena elitjindjo eli lina wiza monkara mwenyo zeparu, marandesero, kuruganena kumwe ntani kurundurura nye magwanekero getu yimo ngoso ana kutanta. 2018-07-26Staff Report 2
